Esfendemos as luengas organiza a II Chornada esportiva por un Aragón trilingüe

L'acto central será un cross de 3 km con salida y plegada en o Parque Bruil

Imachen d'a edición de 2013

Imachen d’a edición de 2013Arredol

Iste sabado 27 de setiembre, Esfendemos as luengas organizará “A tot estrús” a II Chornada esportiva por un Aragón trilingüe. Mientres tot lo diya se ferán actividatz que combinarán l’esporte, l’actividat fisica y a salut, con a diversidat lingüistica y cultural que tenemos en Aragón, fendo-se todas las actividatz en aragonés y catalán.

Os actos d’o maitin prencipiarán a las 10:30 con un torneu de baloncesto 3 contra 3 en o Parque Bruil. En rematar, se ferá un cross junior ta totz os ninos y ninas que quieran. Un chicot recorriu ta que se fayan a l’esporte dende chicotz. T’os mayors, chusto antes de prencipiar o cross, se ferá un taller d’estiramientos ta conoixer as millors tecnicas que permitan escusar-se as lesions.

De partes, plega la parte más ludica d’a chornada. Prencipiará en o CSA A Enrestida (C/ Sant Cristobal, Zaragoza) con un taller – campionato de morra. Iste chuego ye bien popular en as comarcas teruelanas y por atros territorios de l’antiga Corona d’Aragón. Se i aprenderá a chugar y se i ferá un chiquet campionato. A chornada rematará con chuegos populars a on que “os adultos tornarán a sentir-se ninos recuperando beluns d’os chuegos que todas y totz remeramos, pero disfrutando-los como adultos”.

Con toda ista chornada, “Esfendemos as luengas” quiere continar con a suya “faina d’esfensa d’as luengas propias d’Aragón, aragonés y catalán”. O 27 saldrán t’a carrera a correr “por a suya normalización, dignificación y oficialidat”. Tot lo programa se puede consultar en o blog de Esfendemos as luengas.

Una rispuesta a Esfendemos as luengas organiza a II Chornada esportiva por un Aragón trilingüe

  1. Pingback: 'Esfendemos as luengas' organiza la II jornada deportiva por un Aragón trilingüe

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.