“Esfendemos as luengas” protesta por a denominación de “oriental” t’o catalán en un colechio de Mequinenza

Dende a D.Ch.A. aseguran que ye estada una error informatica y que se continará amostrando luenga catalana en a escuela

Mequinenza” Esfendemos as luengas” s’ha solidarizau con l’asociación de pais y mais d’o colechio María Quintana de Mequinenza, qui han manifestau a suya “indignación” dimpués de comprobar que en o boletín de notas d’os suyos fillos correspondients a o primer trimestre d’o curso 2014-2015, s’ha cambiau l’asignatura de “Luenga Catalana” por “Luenga Oriental”.

Una d’as portavoces de l’AMPA Juncal Casaiz manifestó que le parixeba “aberrant”, ya que levaban anyos luitando ta tener o catalán como bella cosa normal y estabilizada, y agora han pasau a trobar-se con “l’oriental”, que ye bella cosa que sona a “chino”.Casaiz subrayó que Mequinensa ye a o costau de Catalunya y que os suyos fillos son aprendendo un idioma reconoixiu, como ye o Catalán, recuerdan os representants de Esfendemos as luengas.

En a mesma linia se manifestó a concellera de l’aria d’educación d’o Concello d’a localidat, Gema Nadal, que explicó que dica agora os ninos saliban d’a escuela con una titulación oficial, y agora con bella cosa que se diz “Luenga Propia de l’Aria Oriental”.

Dende o Departamento d’Edución d’o Gubierno d’Aragón aseguran que se tracta d’una error informatica que se ha modificau. Pero que en qualsiquier caso, a nomenclatura no va a afectar a la titulación d’os alumnos.

“Error u no, iste ye un episodio más en l’encerrinamiento d’un Gubierno d’Aragón en no clamar a las cosas por o suyo nombre, acceptau por toda la comunidat de profesionals d’a lingüistica y a filolochía. Prebando de  creyar, antimás, un conflicto a on que nomás bi heba convivencia y normalidat”, anyaden dende Esfendemos as luengas.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.