Esfendemos as luengas valura positivament a chornada esportiva “A tot estrús”

Un centenar de personas participoron en as diferents actividatz que bi habió mientres tot lo diya

A salida d'o cross en o Parque Bruil

A salida d’o cross en o Parque Bruil (Foto. Esfendemos as luengas)

Un ciento de personas participoron iste pasau 28 de setiembre en “A tot estrús”, a primer chornada esportiva por un Aragón trilingüe, que organizó en Zaragoza Esfendemos as luengas. Ista entidat ha valurau “muito positivament” a participación de chent en todas las actividatz programadas en o diya.

O Parque Bruil de Zaragoza estió lo scenario d’as actividatz mientres o maitín, incluyindo-ie un taller de chuegos tradicionals, una gymkana y un taller d’estiramientos ta escusar-se lesions. En todas tres actividatz, bi participoron personas de todas las edatz y condicions fisicas, en un ambient prou ludico. L’acto central, un cross de 3 km por un Aragón trilingüe, arrocló a 25 corredors, baixo a uellada de participants y vecins curiosos. Totz os corredors portiaban en os peitos dorsals con parolas en aragonés y catalán, estando os tres primers “esgarrar”, “capacera” y “zorrera”. Os ganadors d’o cross ganoron premios lotes de premios donaus por A Flama, Magofermín, Ordio Minero y A.C. Nogara, estando o primer premio un curso de baldes en ixa asociación.
De tardis l’orache se chiró y pretó a plever quan yera en momentos d’empecipiar o taller-exhibición de bike polo que bi heba programau y que habió de suspender-se. Ya baixo lo teito d’o CSA A Enrestida, en o vico d’A Madalena, prencipió a mesa redonda “Hinchadas, esporte, luenga y identidat” a on que se debatioron sobre as relacions entre ixos quatre elementos.
T’a organización “a participación de un ciento de personas en as diferents actividatz que implioron o diya ye un sobrebuen dato ta un evento d’ista mena y contrimuestra que bi ha un gran intrés por as luengas d’Aragón. Tot isto nos plena de rasmia ta continar luitando por un Aragón trilingüe, contra o monolingüismo y a colonización cultural y a animar a tot lo pueblo aragonés a que s’embreque en a esfensa d’a nuestra cultura.”

Una rispuesta a Esfendemos as luengas valura positivament a chornada esportiva “A tot estrús”

  1. Pingback: Esfendemos as luengas valura positivament a chornada esportiva ‘A tot estrús’ | AraInfo | Achencia de Noticias d'Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.