Espanya estudea midas contra Archentina y Repsol demanda 8.000 millons d’euros

Dimpués de l’anuncio d’a renacionalización de YPF por o gubierno archentino, o gubierno espanyol encara no ha concretau as midas que ha anunciau que ferá contra ixa decisión. O ministro espanyol d’afers exteriors, José Manuel García-Margallo, ha tornau a dicir que son estudeando as midas que fer y ha criticau a o gubierno archentino por, en as suyas parolas “haber-se feito un tiro en o piet” con a decisión, a la que culpa tamién de fer complicadas “unas relacions fraternals dende fa a saber lo tiempo”. Amás, ha opinau que a expropiación d’YPF podría retallar o credito internacional enta o país americano.

Por a suya parti, iste maitín ha fablau tamién Antonio Brufau, president de Repsol, que ha dito que a companyia ferá tot o que siga posible a ran legal ta viedar a iniciativa archentina. Amás, ha demandau una compensación de 8.000 millons d’euros que, seguntes Brufau, habrán de fer-se efectivos d’a traza más rapeda posible. Brufau a culpau a la presidenta archentina de querer amagar a grieu crisis social, politica y economica d’Archentina con una mida populista.

Más Info: Infografía de Unience sobre a situgación accionarial de Repsol-YPF dimpués d’a expropiación

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.