Espanya ha de respectar as normas europeyas de sacrificio d’animals en dos meses

A Comisión Europeya ha menazau con denunciar a Espanya debant d'o Tribunal de Chusticia d'a UE.

Autor: Simonelli

A Comisión Europea ha dau dos meses a Espanya ta que faiga cumplir a normativa europeya de sacrificio d’animals, si istas no se cumplen o 29 de noviembre, a Comisión denunciará o caso debant d’o Tribunal de Chusticia d’a UE.
Bruselas ha explicau que a Oficina Alimentaria y Veterinaria (OAV) d’a CE ha constatau “graus deficiencias sistematicas”, concretament, una “persistent aplicación ineficaz d’os requisitos en relación con a sucheción y l’aturdiu d’os animals, l’equipo emplegau, os requisitos d’inspección, as midas correctoras que han d’adoptar-se y as sancións que han d’imponer-se a las deficiencias detectadas”.
A Comisión Europeya remera que o sacrificio u matacía d’animals ta producir carne, u en relación con atras actividatz agricolas, ha de cumplir a lechislación d’a UE sobre bienestar animal, que estableix que ha d’evitar-se o suyo padeiximient innecesario.
Tamién bi adibe que cal que os mataderos sigan construyius y equipaus de traza que s’achusten a dita norma, y que o personal encargau d’o sacrificio han de tener a formación profesional amenistada ta fer-lo, seguntes adibió a CE.

Fuent: http://albeitar.portalveterinaria.com/noticia/10514/ACTUALIDAD/comisi%C3%B3n-europea-amenaza-espa%C3%B1a-denunciarla-tribunal-justicia-ue.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.