Espanya se queda sola contra Europa esfendendo o corridor central

Os ministros de Transporte comunitarios ratifican a prioridat d'o corridor mediterranio y atlantico

corridorsOs corridors ferroviarios mediterranio y atlantico serán en a lista final de prochectos prioritarios d’a Unión Europea (UE), y isto permitirá acceder a la financiación comunitaria extra, seguntes o compromís ratificau ahiere por os ministros de Transporte d’os Vintisiet. Isto excluye unatra vegada o prochecto d’o corridor central, esfendiu intensament por o gubierno espanyol (l’anterior d’o PSOE y l’actual d’o PP). Tot y a insistencia d’a ministra de Fomento espanyola, Ana Pastor, y d’os eurodiputaus d’o PP y o PSOE, ista obra, que implicaría foradar os Pirineus ta connectar os estaus espanyol y francés, s’ha quedau sin financiación europea.

En una conferencia de prensa en Luxemburgo, a la fin d’a reunión d’os ministros de Transporte, ahiere l’eurocomisario Siim Kallas reiteró que o mapa ferroviario s’heba rematau. ‘Los hemos negociaus tres anyos, istos mapas’, recordó Kallas.

Antes de dentrar en a reunión, a ministra Pastor heba reiterau ahiere que o gubierno espanyol continaba treballando ta incluir todas as proposas en a lista.

O 19 d’octubre d’o 2011, mientres a presentación d’os eixes prioritarios en infrastructuras dica 2020, o comisario de Transporte ya anunció que Bruselas proposaba d’emparar economicament a o trazau integro d’o corridor mediterranio, dende a muga dica Algeciras, y a o trazau atlantico; y que, en cambeo, desestimaba de construir un tunel a traviés d’os Pirineus ta connectar con l’estau francés.

O gubierno espanyol y os eurodiputaus d’o PP y o PSOE, manimenos, han insistiu dende alavez ta que tamién se bi incluise ista connexión. N’han parlau en totz os procesos d’a negociación, tanto en o Consello como en o Parlamento Europeu. Kallas, manimenos, ha dito prous vegadas que os mapas son zarraus y que no se pueden tornar a debuixar.

Fuent: http://www.vilaweb.cat/noticia/4123844/20130611/espanya-queda-sola-europa-defensant-corredor-central.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.