Espanya y Francia deseyan encetar os estudeos preliminars d’a TCP

Seguntes os ministros francés y espanyol ixo no significa albandonar os atros prochectos, o mediterraneo y l'atlantico

O ministro espanyol de Fomento, José Blanco

O ministro espanyol de Fomento, José Blanco

Os responsables de Transportes de Francia, Thierry Mariani, y Espanya, José Blanco, alcordoron hue empentar a construcción d’a conexión ferroviaria por o centro d’os Pirineos, dentre Pau y Canfranc. Dimpués d’una reunión que mantenioron en París, Mariani y Blanco se comprometioron a treballar ta que ixa conexión siga incluyida dentre os eixes prioritarios transeuropeos por a Comisión Europea en a decisión que prenerá o venient diya 19.

En iste sentiu, totz dos ministros sinyoron una declaración conchunta en a qual confirman a suya voluntat de empentar, con a rechión d’Aquitania y Aragón, a o prochecto de reobridura d’ixa linia ferria. Blanco y Mariani afirmoron que la empenta d’ixa conexión no significa que s’albandonen as atras dos, a mediterrania y l’atlantica.

Totz dos responsables consideroron que ixas dos obras adebantan positivament y que a conexión central ye un prochecto a mas luengo plazo. O ministro espanyol Blanco indicó que por o que fa a la interconexión central como a mediterrania, as dos son importants ta Espanya, pero que a mediterrania ye mas adebantada.

Os dos ministros amostroron o suyo deseyo, y nomás deseyo, que s’encetaran os estudeos preliminars d’a construcción d’a conexión por sulero aragonés.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.