Estabilizau l’incendio d’os monts d’Atarés en que ha ardiu arredol de 140 hectarias

Se calcula que s'ha cremau arredol de 140 hectarias, 15 de ellas agricolas y a resta de masa forestal

#IFatarés. Foto: AraInfo

#IFAtarés. Foto: AraInfo

L’incendio que se declaró entre a tarde d’o pasau domingo en o Viello Aragón, entre Penya Uruel y Sant Chuan d’a Penya, cerca d’Atarés, localidat perteneixient a o municipio de Chaca, ha quedau estabilizau pero no controlau. Encara que continan as labors de vichilancia y extinción, l’ausencia d’aire entre ista pasada nueit y as primeras horas d’o maitín ha facilitau o control de l’incendio. As tres collas terrestres y as tres autobombas que han realizau ditas labors de vichilancia, han estau ya relevadas por un dispositivo similar que se mantendrá activo mientres o día.

En caso de necesidat, s’iniciaría un operativo d’emparo de medios aerios, concretament un helicoptero situau en a base de Bailo, municipio perteneixient a la comarca d’a Chacetania y que se troba a diez minutos d’a zona afectada. Se calcula que s’ha cremau arredol de 140 hectarias, 15 d’ellas agricolas y a resta de masa forestal. A superficie calcinada se troba dentro d’un espacio natural protechiu y 100 de ditas hectarias corresponden a monts d’utilidat publica.

A tranquilidat ha estau a nota predominant entre a pasada nueit d’o lunes y encara que siguen fendo fumo qualques arbols secos de grans dimensiones en l’interior d’a zona cremada, ista remaneixe tranquila y segura. De vez, o dispositivo d’extinción s’ha asegurau que o flanco dreito de l’incendio contine fredo, y encara que o cucho sigue estando a zona a la que se le mete mas atención, l’ausencia d’aire entre as primeras horas d’o maitín ye facilitando o treballo.

Entre as labors d’extinción ha interveniu once aeronaus, seis d’ellas helicopters perteneixients a o Gubierno d’Aragón y atras cinco a o Ministerio de Medio Ambient –o helicoptero de gran capacidat Kamov, dos d’a BRIF de Daroca y dos hidroavions-, y mas de 200 efectivos terrestres.

Antiparte, a carretera A-1603 que fue tallada iste domingo, s’ha reubierto parcialment a o trafico pa dar servicio a os vecins d’a zona. Manimenos, continará cusirada por efectivos d’a Guardia Civil pa facilitar l’acceso a os vehíclos d’extinción.

Cal recordar que l’incendio s’orichinó en un vehíclo agricola que ardió a primera hora d’a tarde d’o pasau domingo, arredol d’as 17.00 horas, en una zona d’os monts d’Atarés, cerca d’a ciudat de Chaca, y que provocó l’incendio d’arbustos circumdants.

Fuent: http://arainfo.org/estabilizado-el-incendio-de-los-montes-de-atares-en-el-que-han-ardido-alrededor-de-140-hectareas/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.