Estrasburgo condena a Espanya por a doctrina antiterrorista

Ye a primer vegada que o Tribunal d'os Dreitos Humans se prenuncia contra a doctrina Parot. L'estau espanyol habrá de pagar 30 mil euros a Inés del Río Prada deixar-la en libertat antis con antis

logoO Tribunal Europeu d’os Dreito Humans con siede en Estrasburgo ha condenau a Espanyua a pagar una indemnización de 30 mil euros por mals morals a Inés del Río Prada, condenada a más de tres mil anyadas de prisión por atentaus d’ETA, en aplicando a doctrina Parot, y la insta a deixar-la en libertat ‘antis con antis’.

Ye a primer vegada que Estrasburgo se prenuncia sobre a clamada ‘doctrina Parot’ establida en 2006 por o Tribunal Supremo ta determinar os beneficios garcholarios d’os presos. Seguntes ista doctrina s’han d’aplicar de traza individual sobre cadaguna d’as penas por as que s’ha emitiu a condena y no sobre o limite maximo de remanencia en prisión, 30 anyadas.

Os machistraus d’o tribunal europeu admiten o recurso presentau por a defensa de Del Río, condenada por perteneixer a ETA. O tribunal desautoriza a decisión de l’Audiencia Espanyola de rezagar a salida de prisión dende o 2 de chulio de 2008 dica o 27 de chunio de 2017. Considera que Espanya vulnera l’articlo 7 d’o Convenio Europeu d’os Dreitos Humans, que estableix que no puet existit una pena sin garra lei que l’avale, y l’articlo 5 que proteixe o dreito a la libertat y a seguridat.

O colectivo de refirme a los prisioners vascos, Herrira, ha afirmau que a decisión d’o tribunal europeu ye una gran victoria y ha demandau a derogación d’a doctrina Parot y que se deixe en libertat ‘ a totz os prisioners vascos que han completau a condena que les imposoron’.

En un comunicau, Herrira ha expresau a satisfacción d’o colectivo por a sentencia y ha felicitau a los ciudadans que s’han movilizau dende fa anyadas contra a doctrina Parot que imposa de facto a cadena ta cutio t’os prisioners vascos’.

Fuent: http://www.vilaweb.cat/noticia/4027111/20120710/estrasburg-condemna-espanya-doctrina-antiterrorista.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.