Estudiants d’aragonés organizan una trobada en a Val de Chistau ta “vivir en aragonés”

Mientres cinco diyas estudiarán l'aragonés en a suya variedat chistabina y ferán actividatz arredol d'a luenga y a cultura d'a val.

10153932_317889035029562_6557166109774540254_nEntre o 18 y o 22 de chunio, a Val de Chistau contará con bells visitants aragonesofablants de difuera d’a Val. Serán estudiants d’aragonés que, intresaus por a luenga, s’apunten t’a Trobada que se ye organizando ta ixos diyas y que mirará de que toda l’alumnalla que i asista pase os cinco diyas vivindo nomás en luenga aragonesa.

A trobada conta con arrienda actividatz t’afundar en o conoiximiento d’a luenga. De maitins se ferán clases tanto d’aragonés estandar, como d’a suya variedat chistabina. Os organizadors demandan a qui se i apunte un compromís d’haber estudiau bell poquet d’a variedat chistabina de l’aragonés ya que “a experiencia nos diz que ye más sencillo fer pacha con ells [os chistavins] quan femos os posibles per acercar o nuestro charrar a o parlache d’a zona”.  De tardes, bi habrá actividatz como procheccions de videos u un taller de teatro.

Antimás, o sabado s’ha presto una cursa por a redolada, de man d’a Colla Fernando-Ferrer de Nogara, a on que s’explicarán bells aspectos d’os animals y plantas que i viven. Dimpués d’a chenta, representants d’as asociacions Fablans y Nogara explicarán os suyos prochectos y se ferá un debat sobre si “ye posible vivir en aragonés”. A chornada rematará con a prochección d’o curtometrache “Cosetas d’adentro”, presentau por a suya directora, y a posibilidat d’ir de borina ta Sant Chuan.

En ixe mesmo lugar, se i fa o domingo lo Dia d’a Cultura Chistabina con actuacions, una muestra de vestuache y trobada d’artesanos, entre atras actividatz, por lo que os estudiants aprofeitarán t’asistir-ie y continar integrando-se en a Val.

Dende a organización se demanda que os asistents tiengan “conoiximientos basicos d’aragonés” y que charren en aragonés tot lo tiempo que dure a trobada. “Tenemos a resta de l’anyada pa charrar en castellano”, remeran. Tamién cal trayer “rasmia pa aprender” y deixar-se en casa “o miedo de trafucar-se”. “Totz nos hemos entivocau muitas vegadas y no pasa cosa. Cal tener una actitut positiva! Asinas ye como s’aprende”, animan.

O pre d’os cinco diyas de trobada lo meten en 135 euros ta poder pagar as casas rurals y as chentas que se ferán. Con tot y con ixo, t’a chent que no pueda pagar-lo, s’ufren a mirar alternativas ta que dengún se quede sin participar-ie.

En a presentación d’a trobada, que se puet descargar en iste vinclo, os organizadors dicen:  “A ormino nos trobamos con que s’ha feito muito por a recuperación d’a nuestra luenga en as zaguers quaranta anyadas, pero con tot y con ixo encara bi ha una ripa de faina por fer. Un punto fundamental que encara no hemos puesto superar y que cal fer un poder firme pa conseguirlo ye que os fablants patrimonials no charran con os neofablants. Ye verdat que ista afirmación ye simpla, y que a-saber-la chent d’os lugars charra con chent que ha aprendiu en as escuelas d’aragonés, y por ixo cal fer un poder por amanar-nos t’os lugars y fer pacha entre totz. Si en somos poquetz y amás no charramos ni entre nusatros, o futuro ye fosco. Cal conoixernos y viyer que tampoco no somos tan esferents os unas d’os atras.”

4 Rispuestas a Estudiants d’aragonés organizan una trobada en a Val de Chistau ta “vivir en aragonés”

  1. ¿Y qué harán? ¿Hablar con las abuelas de como hilar la lana? Porque no creo que con la gente joven tengan mucho tema de conversación en el estado en el que se encuentra ahora mismo el chistabín entre la población de menos de 45 años. ¡A buenas horas, mangas verdes!

    • Pues me parece que estaban esperando a un tal Antonio, a ver si hacía algo por mejorar la calidad del chistabín actual, pero como no aparecía, han decidido actuar por su cuenta. Seguro que las abuelas, los jóvenes y los foranos tienen más cosas en común de las que te piensas. Estoy convencido que todos ganarán menos ese tal Antonio.

  2. Pingback: Estudiants d’aragonés organizan una trobada en a Val de Chistau ta “vivir en aragonés” » AraInfo

  3. Viendo el programa, en el cual no aparece ninguna persona relevante de la zona relacionada con el chistabín, no tengo yo muy claro que el interés por este tema venga de allí, sino de algún iluminado de asociaciones de esas que hacen todo por el aragonés, pero sin contar con los que lo hablan en los pueblos. 🙂

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.