Estudiants demandan a dimisión d’o rector por as pleitinas d’a vaga

A policía esfació piquetes adintro d'o Campus de Sant Francisco, enristió contra os estudiants y en detenió a dos mientres a chornada de vaga d'o 24 d'octobre.

Representants de SEIRA presentan a campanya (Foto: SEIRA)

Representants de SEIRA presentan a campanya (Foto: SEIRA)

O sendicato d’estudiants independentista aragonés SEIRA ha demandau iste sabado a dimisión d’o Rector d’a Universidat de Zaragoza por os feitos que pasoron en a zaguer vaga en a educación d’o pasau 24 d’octobre. O sendicato lo fa responsable de conchunta con o Delegau d’o Gubierno Espanyol en Aragón d’a dentrada d’a policía en o Campus y a detención de dos estudiants en a vaga. Ta os estudiants Manuel López, “ha perdiu toda la lechitimidat que podese tener en a comunicat universitaria” ya que “dengún no puet chustificar ni esfender lo que ha feito”, sinyala Íñigo, portavoz d’o sendicato.

En un acto simbolico en o Paraninfo, Íñigo ha remerau lo “fundament grieu” que resulta a dentrada d’as fuerzas de seguridat en o recinto universitario “bella cosa que no pasaba dende 1978”. Dende SEIRA insisten en que a vaga y os piquetes informativos transcurrioron con toda tranquilidat y de traza pacifica, desmentindo d’ista traza las declaracions d’o Rector lechitimando as detencions y a dentrada policial en o campus universitario.

Iste acto sirve antimás de prencipio ta una campanya demandando a dimisión d’o Rector por lo pasau lo 24 d’octobre en Zaragoza y o pasau 15 d’octobre en a ciudat de Uesca, a on que a policía espanyola tamién dentró en o campus universitario, mientres Letizia Ortiz, a muller de l’hereu d’o trono espanyol visitaba l’IES Piramide.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.