ETA anuncia que podría desarmar-se

ETA diz que as suyas aicións "tamién" han causau dolor y deixan a politica a las organizacions d'a cucha abertzale

Dos voceros d’ETA dicen en una entrevista en Gara (tamién en castellan) que a organización ye presta ta asumir compromisos entre os quals estaria o desarme d’a banda terrorista. Tamién charran que a decisión d’aturar a luitar armada no ha siu facil y contimparan l’anuncio d’o pasau 20 d’octubre a dos intes importants d’a historia d’ETA, a suya creyación y a decisión de continar a luita armada dimpués d’a muerte d’o dictador espanyol, Francisco Franco.

Os voceros d’ETA amás creyen que o lider d’o PP, Mariano Rajoy, a qui as enqüestas dan como más que posible president d’o gubierno espanyol, ha trencau con o discurso negativo y agresivo que dica agora tenia o suyo partiu, y s’amuestran convencius de que en a negociacion sobre os presos d’a banda, por eixemplo, sería un interlocutor valido.

ETA amás deixa o paper politico a la cucha abertzale, y s’aparta d’a discusión de ran politico, encara que tienen “a suya opinión, ETA no será una menaza ta o proceso ubierto”. Demandan ixo sí, que en o marco d’a negociación sobre os presos y a inutilización d’as armas d’ETA ha de dentrar a desmilitarización d’Euskal Herria, en especial esplanican que “a fin d’a confrontación armada no podria replecar-se si o Pais Vasco contina plen de fuerzas armadas”.

Sobre as victimas os voceros afirman que no s’ha de manipular y emplegar politicament a las victimas, y creyen que s’ha de rispetar a memoria de totas as victimas, incluyindo as victimas d’o terrorismo d’estau, a tortura, y l’asesinato d’os suyos militants. ETA amás reconoix que as suyas aicions han causau dolor a muitas presonas y s’autoafirman como “no insensibles”.

Fuent: http://www.vilaweb.cat/noticia/3948585/20111111/eta-anuncia-disposicio-desarmament.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.