ETA exiche a repatriación de prisioners y un cambio en a politica penitenciaria

Responsabiliza a Rajoy y Hollande de'as muertes de Figueroa y Thierry

Manifestación por os presos (Foto: Vilaweb)

Manifestación por os presos (Foto: Vilaweb)

ETA ha advertiu en un comunicau t’a depeixa Gara que ya yera “prou de chugar con a vida y os dreitos d’os prisioners vascos“, y ha responsabilizau a los gubiernos espanyol y francés d’as muertes d’o prisioner Ángel Figueroa y l’ex-numer uno d’a banda, Xabier López Peña, alias Thierry. Tamién ha culpau a los presidents Mariano Rajoy y François Hollande d’a “dispersión, l’isolamiento y os castigos que sufren os prisioners”. “Son as expresions más extremas d’ista politica de venganza”, diz ETA, qui les acusa d’haber aplicau istas politicas ta “deixar sin recorriu o proceso de resolución”.

Seguntes a banda, os dos estaus y os achents politicos vascos actuan “como si no s’hese produciu garra cambio significativo en a situación politica, mirando de meter a responsabilidat d’o bloqueyo sobre a cucha abertzale”.

D’atra man, enriste contra o PNV por haber ufierto “toda la suya leyaltat t’o responsable d’o bloqueyo, o gubierno espanyol“. “Millor sería que puyase o ran d’exichencia d’os dos gubiernos y prencipiase a fer alportacions positivas t’o proceso”, adhibe.

A banda insiste que dimpués d’a coferencia d’Aiete y l’ature d’a luita armada “o más lochico será la repatriación d’os prisioners y a superación d’as midas d’excepción”.

 

Fuent: http://www.vilaweb.cat/noticia/4111109/20130502/eta-exigeix-repatriacio-presoners-canvi-politica-penitenciaria.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.