ETA ferá arribar as suyas aportacions a o Forum Social por a Paz

En un comunicau ninviau a o diario Gara, considera que as recomendacions pueden servir pa salir d'o bloqueu y escomencipiar una fuella de ruta

foro social paz

Foto: @ArgazkIraultza

ETA considera que as recomendacions d’o Foro Social por a Paz que se fació en Pamplona y Bilbau en marzo son una ‘aportación constructiva’ que puede estar util como punto de partida pa elaborar una fuella de ruta y salir d’o bloqueu. L’afirma en un comunicau ninviau a o diario Gara, en que diz que a organización vasca fa a suya ‘propia lectura y tamién tien as suyas aportacions, matices y desacuerdos’. ‘Isto no será garra impedimento porque actuamos con una perspectiva constructiva en relación a las recomendacions’, contina.

‘ETA adopta o compromís d’actuar con a responsabilidat y seriedat que demanda ista oportunidat, y emplaza a fer o mesmo a la resta d’achents’, y adhibe que ferá plegar a suya opinión a os empentadors de l’informe pa fer a suya ‘aportación a o conteniu, ascuitar as proposas y intencions y analisar as posibilidatz d’abanzar’.

En o comunicau tamién diz que ha feito esfuerzos pa ubrir vías de dialogo y abanzar enta una solución y destaca o papel d’a sociedat ‘sin asperar que empecipien as conversacions entre ETA y os gubiernos’. D’a mesma traza, critica de nuevas a falta de ‘respuesta positiva’ por parte d’os gubiernos espanyol y francés y los acusa d’alimentar o conflicto.

Fuent: http://www.vilaweb.cat/noticia/4133805/20130715/eta-fara-arribar-seves-aportacions-forum-social-pau.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.