ETA ferá un ‘cenyo positivo’ en un venient comunicau

Con ista acción, a banda prebaría de fer venir a plego a los meyadors internacionals y responder a lo Foro Social que ha recomendau rematar o proceso de desmantelamiento de "armas y estructuras militars d'ETA"

etaA banda terrorista ETA tien previsto anunciar en un venient comunicau un «cenyo positivo» que enforta la suya imachen y faiga creyible a suya apuesta por a fin d’a violencia, seguntes han informau diferents fuents a eldiario.es. Iste cenyo, que sería relacionau con destruyir parti d’as suyas armas, respondería a las demandas d’os meyadors internacionals y d’o Foro Social qui han demandau a la banda que faiga un proceso de desmantelamiento «d’armas y estructuras militars».

En caso de confirmar-se, ETA repetiría a scenografía que bi habió quan o pasau 20 d’octobre de 2011 anunció o cese finitivo d’a violencia dimpués d’a cumbre que se fació diyas antis en o donostiarra palacio d’Aiete a on que, entre atros, i participoron Kofi Annan,  Bertie Ahern, Gro Harlem Brundtland, Pierre Joxe, Jonathan Powell y Gerry Adams- Encara que o cenyo asperau no se considera finitivo, sí respondería a la demanda feita por o coordinador de Lokarri, Paul Ríos, que ista semana charró chunto a lo relator Andy Carl ta demandar que «o proceso d’integración d’os presos se faiga por cauces legals, acceptando que siga integral, que s’ha de fer de traza individualizada, escalonada y en tiempo prudencial» y que cal, de man d’os presos que «amuestren o suyo compromís con o nuevo scenario de paz» y «renuncien a vías violentas». Sinyalas que de man de cada preso «ha d’haber un reconoiximiento d’o mal feito como conseqüencia d’a suya actuación». Antimás, «con l’obchectivo de guarenciar a seguridat ta totz os ciudadans, y como parti alazetal d’o proceso de paz», ha recomendau «o disenyo d’un proceso controlau, ordenau y consensuau que remato con o desmantelamiento d’as armas y estructuras militars d’ETA»

 

Fuent: http://www.eldiario.es/norte/euskadi/ETA-gesto-positivo-proximo-comunicado_0_136837071.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.