Europa considera ilegal a lei hipotecaria espanyola

A sentencia ubre o camín t'aturar os desaloixos vía chudicial

Stop-Desahucios-520x3901En un feito historico o Tribunal de Chusticia d’a UE ha dictau sentencia iste chueves que a lei hipotecaria espanyola vulnera a normativa comunitaria porque no guarancia os dreitos d’os ciudadans debant d’as clausulas abusivas d’as hipotecas. O dictamen declara ilegal y abusiva a normativa espanyola, que no premite aturar un desafucio trucando o ficacio en as clausulas abusivas, sino que en  tot caso, ha d’estar dictau por un atro chudgau dimpués de forachitaus os ocupants d’a vivienda.

O dictamen d’o tribunal europeo ye aplicable dende hue mesmo en os procesos que han d’encetar-se, pero tamién en totz os que encara son vivos. L’informe, encara que no ye vinculant, ha d’estar teniu en cuenta por os tribunals, y encara que Espanya no ye obligada a cambear a lei, a sentencia obliga a o gubierno espanyol que dició que asperaría a ista sentencia a aprebar un prochecto de lei sobre desafucios que ya ye en o Congreso espanyol.

A historia sentencia, que ubre o camín ta l’ature chudicial d’os desafucios en l’estau espanyol, ye a rispuesta a una demanda presentada en o chudgau mercantil de Barcelona a traviés d’o chuez José María Fernández Seijo, que debía dictaminar sobre o caso d’un ciudadan a qui Catalunya Caixa ya forachitó de casa suya en chinero de 2011. Iste ciudadán, Mohamed Aziz, demandaba tamién que se declare nula una d’as clausulas d’o suyo achuste hipotecario asinas mesmo a execución hipotecaria que li forachitó de casa en 2011.

A sentencia entera se puede leyer aquí (PDF)

Fuent: http://praza.com/movementos-sociais/3856/a-xustiza-europea-considera-ilegal-a-lei-de-desafiuzamentos-de-espana/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.