Europa exichirá información a o Estau espanyol sobre a seguridat de Yesa

A queixa presentada por diversas asociacions ecolochistas podría estar tractada por o Parlamento europeu a venient lechislatura

Entibo de Yesa y a ladera dreita (Foto: CHE)

Entibo de Yesa y a ladera dreita (Foto: CHE)

Contra toda lochica y encara que a situación d’emerchencia en o entibo de Yesa se mantiene y que o deslizamiento d’a ladera dreita no s’atura, o PP fa un poder por privar en Europa que aQueixa ninviada por as Asociacions“, Nueva Cultura, Río Aragón y Yesa+no, sía tractada dentro d’ista lechislatura. Pese os intentos d’o PP, Europa pedirá información a o Estau espanyol sobre a seguridat en Yesa y o cumplimiento d’a lechislación europea sobre risque d’inundacions.

“En un cenyo poco común en ista mena de respuestas, o Parlamento Europeu diz que pedirá información a o Estau espanyol sobre os feitos acayeixius arredol d’a presa de Yesa mientres iste zaguer anyo“, explican dende as asociacions d’esfensa d’a Tierra.

En respuesta a una pregunta realizada en o marco d’o Parlamento europeu por o europarlamentario Iñaki Irazabalbeitia, d’a coalición “Europa d’os Pueblos – Verdes“, a Comisión de peticions diz que “son os propios estaus miembros os que han de determinar os obchectivos relativos a la chestión d’os risques d’inundación, y fer-lo parando cuenta en as circumstancias locals y rechionals“, y que “manimenos, a Comisión se meterá en contacto con as autoridatz espanyolas y en solicitará mas información”.

“Entendemos que ye una muestra que en Europa se comprende que a situación ye mas grieu d’o que dende o gubierno d’o Estau espanyol se quiere fer veyer.  Ista respuesta contrasta con l’actitut mantenida por o PP en o transcurso d’una d’as sesions d’a Comisión de peticions en que o europarlamentario Iñaki Irazabalbeitia, miembro de dita comisión, prebó de que a queixa presentada por as Asociacions contra o Reino d’Espanya estase tractada d’urchencia a causa d’a gravedat d’os feitos ocurrius y a que ye una situación que contina sin solucionar-se y que, de prolargar-se, puede chenerar grieus problemas”, inciden dende os colectivos.

“En dita sesión o PP fació uso d’a suya mayoría ta eludir que a queixa estase tractada d’urchencia, privando que iste espinoso y grieu tema chapurquee a o gubierno d’o Estau espanyol, por o que no podrá estar tractada dentro d’ista lechislatura. Iste mes de mayo i hai esleccions a o Parlamento europeu y en abril cesa a suya actividat”, as Asociacions asperan que se retome o tema a o escomienzo d’a proxima lechislatura y “s’investigue l’ocurriu lo antes posible y que no sía masiau tarde, pus a situación ye mas preocupant cada mes que pasa: o deslizamiento no solament no se detiene, sino que amuestra un comportamiento impredictible con aumentos d’a velocidat como ha ocurriu en o mes de marzo”.

O presupuesto tien posibilidatz de multiplicar-se una vegada mas pese que as obras no puedan abanzar, podendo meter a la población auguas abaixo en periglo cada vegada que se prencipie una nueva fase d’ista incomprensible obra de recreiximiento”, concluyen.

Fuent: http://arainfo.org/2014/03/europa-exigira-informacion-al-estado-espanol-sobre-la-seguridad-de-yesa/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.