Europa no achuga por a Travesia Central d’o Pirineo


Os ministros de Transporte d’a Unión Europeya han aconseguiu iste chueves un alcuerdo politico sobre a nueva lista de prochectos prioritarios d’os retz transeuropeyos de transportes, que se beneficiarán de financiación d’a UE a cambeo d’o compromiso d’estar remataus en 2030. Ta la Peninsula Iberica, a lista incluye o Corredor Ferroviario Atlantico y, por primera vez o Mediterranio dende Algeciras enta Portbou, pero no a Travesía Central por o Pirineo.

A ministra espanyola de Fomento, Ana Pastor, que fa bells diyas anunció o refirme espanyol a la TCP, ha estau a unica d’os 27 ministros presents en a reunión de Bruselas que ha refusau l’alcuerdo. A ministra ha esfendiu que a la lista aprebada habria d’adhibir-se bell atro prochecto, como a TCP, a red basica d’o puerto de Vigo u a inclusión de Zaragoza como plataforma lochistica. Sin dembargo, o comisario de Transportes, Siim Kallas ha refusau que s’adhiban más prochectos porque “a lista ye o triballo de dos anyos de consenso”. Amás, seguntes Kallas, “si Espanya demanda más inclusions, os atros países tamién querran adhibir-ne”.

Con ista decisión, l’horizonte d’a TCP marcha dica a lo menos l’anyo 2050.

 

Una rispuesta a Europa no achuga por a Travesia Central d’o Pirineo

  1. Ni falta que fa.En sobrarbe no la amenistrán ta cosa

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.