Europa se creixe debant os bancos y estudea implantar sancions comuns

A Comisión Europea quiere castigar con penas de garchola a os banquers con delictos grieus

Barroso en una cumbre d'o G-8 en mayo

Barroso en una cumbre d'o G-8 en mayo

A Comisión Europea proposará ista semana una norma ta obligar a totz os Estaus miembros a que castiguen con sancions penals, incluidas penas de garchola, a os banquers que tiengan comportamientos delictivos grieus, en concreto, l’abuso d’información y a manipulación de mercau.

A directiva tendrá un impacto limitau ya que a mayoría d’os Estaus miembros, entre ells Espanya, ya tienen en as suyas lechislacións sancions penals ta istos comportamientos.

A proposa de Bruselas dexichirá que totz os Estaus miembros castiguen istes comportamientos, pero no fixará garra pena minima, seguntes un alto funcionario d’a UE.

O president d’a Comisión, José Manuel Durao Barroso, ha chustificau os suyos plans dau que beluns d’os comportamientos que hemos visto en o sector financiero estioron completament irresponsables y a veces de naturaleza criminal.

Barroso esplanico ahiere que istas proposas lo que quieren ye que as sancions tamien rispondan en o mesmo contexto d’un mercau interior y común en Europa, unificando os modelos de sanción.

Una rispuesta a Europa se creixe debant os bancos y estudea implantar sancions comuns

  1. Fote!, Pareix que dica huey l’abuso d’información previlechiata y a manipulación intincionata d’o mercau ta l’esquimen propio lis saliba de baldes…

    Atra proposa estará obligar a los deputaus europeyos a chentar totz os diyas de restaurant y ir-se de borina per as nueits. Son midas que se creyen amenistables ta estimular o gasto y ta ra remontada economica.

    Muit útil, ista Comisión Europeya, muit útil…

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.