Evo Morales demanda en a ONU a despenalización d’a fuella de coca

Demandó que se corricha a 'error historica' que suposa a penalización d'a fuella de coca

Evo Morales (Foto: Kris Krüg)
Evo Morales (Foto: Kris Krüg)

O president de Bolivia, Evo Morales, tornó a demandar o lunes a despenalización d’a fuella de coca en o Plenario d’a Comisión d’Estupefacients d’as Nacions Unidas. Tant y mientres en Bolivia, organizacions campesinas, politicas y sindicals feban una Chornada nacional en esfensa d’a practica milenaria de mascar a fuella de coca.

Evo Morales demando que se correchise ‘a error historica que se fació contra o pueblo boliviano en retificar-se a Convención Unica contra Estupefacients de 1961, que inscribió a la coca, y o suyo mascar en estau natural, en a lista de verenos y sustancias viedadas’. Tamién remeró que a firma de man de Bolivia en 1976 d’aquel tractau se fació baixo lo ‘gubierno de facto d’o ex-dictador Hugo Banzer’ y ‘de traza autoritaria’.

Cuanto a lo narcotrafico, o president boliviano anunción que destinará 20 millons de dolars de lo gubierno ta luitar contra os cultivos ilegals y t’a luita contra as drogas en cheneral.

 

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.