Exichen explicacions por a muerte d’un can por disparos d’a policía

A policía local de Zaragoza disparó y mató a un can por, supuestament, atacar a 4 personas. Manimenos, os testigos desmienten ista versión

O grupo municipal d’IU en o Concello de Zaragoza solicitará, en as comisions de Rechimen Interior y Medio Ambient, a obridura d’un expedient informativo que sirva ta conoixer si se respectó o protocolo reglau ta istos casos y si se produció l’aviso a os Servicios de Protección Animal Municipals, un expedient informativo que analise tamién l’atestau policial a fin de saber si l’actuación estió proporcional u no.

“Dende IU hemos recabau quantos testimonios de ciudadanos que yeran presents en o puesto d’os feitos y distan muito d’os replegaus por os medios de comunicación citando fuents municipals” afirma Raúl Ariza, portavoz d’IU en a comisión de Medio Ambient.

Seguntes Ariza “l’uso d’armas de fuego debant de multitut de personas, muitos d’ells ninos, con os risques que ixo comporta y a disparidat de testimonios sobre ista muerte, obliga a aclarir cabos tals d’o sucesos como a identidat d’as personas presuntament atacadas, y a no utilización d’os lazos y dardos tranquilizants d’os quals disposa o CMPA.”

“Una vegada replegadas todas istas declaracions y datos, será o momento de depurar responsabilidatz a qui no haigan cumpliu con a normativa y a legalidat vichent”, contina l’edil d’IU. En iste sentiu Izquierda Unida exiche que s’aclareixca de forma inequivoca iste desafortunadismo incident, y recorda a importancia de guaranciar o cumplimiento y actualización d’os protocolos de seguridat.

Contradiccions entre a versión oficial y os numerosos testimonios

O Rolde por os Dreitos d’os Animals de CHA hs manifestau o suyo mas absoluto refuse y preocupación por istos feitos. “Seguntes a responsable d’o Concello de Zaragoza en declaracions en medios de comunicación, se nos remite a l’atestau policial, a on se diz que o can yera descontrolau y atacó a 4 personas, y s’acusa d’asesín a l’amo a causa d’o suyo estau d’embriaguez. Manimenos, a familia de l’amo d’o can y dotzenas de testigos desmienten a versión oficial: ni o can yera perigloso, ni o suyo amo se trobaba en estau d’embriaguez” sinyala Rolde.

Rolde constata as contradiccions entre a versión oficial y os numerosos testimonios y exiche a o Concello conoixer a verdat ta que no torne a repetir-se bella cosa asinas con una investigación d’os feitos exhaustiva, “ta plegar en a fin d’iste afer, desvelar a verdat y en o suyo caso depurar as responsabilidatz”.

Fuent: http://arainfo.org/2013/06/exigen-explicaciones-por-la-muerte-de-un-perro-por-disparos-de-la-policia/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.