Exito d’a chornada de vaga en a educación

A policía espanyola dentra en o Campus de Sant Francisco dimpués de que lo demandase o Rector d'a Universidat

Manifestación d'estudiants en a Pza S. Francisco, de Zaragoza (Foto: Puyalon)

Manifestación d’estudiants en a Pza S. Francisco, de Zaragoza (Foto: Puyalon)

A chornada de vaga en a educación en totz os suyos libels y tanto en a publica como en a privada concertada ye estando un exito en Aragón. Iste maitin a vaga se feba notar mesmo en o trafico de Zaragoza y prou que en aulas de escuelas, institutos y a universidat, que apareixeban quasi desiertas.

As organizacions convocants han cifrau o seguimiento d’a vaga en más d’un 70 % entre o profesorau y en un 80-90% entre l’alumnalla. Ista vaga yera convocada por representants de totz os sectors d’a educación: sindicatos y organizacions de pais y mais, alumnalla y profesorau se han sumau a las protestas contra las retalladas d’os gubiernos espanyol y aragonés y contra la Lei de Millora d’a Calidat d’a Educación (LOMCE) conoixida tamién como Lei Wert.

En o Campus de Sant Francisco d’a Universidat de Zaragoza ye a on que más tensión se ye producindo. A primer hora d’o maitín, piquetes d’estudiants informaban d’a vaga y prebaban de privar que dentrase dengún en o Campus. A presencia d’un piquete en a puerta d’a facultat de dreito ha decidiu a lo Rector Manuel López a clamar a la policía espanyola ta que disolviese lo piquete. Dos estudiants son estaus detenius por “resistencia y desobediencia” y a manifestación de Zaragozaha sufriu cambios en o recorriu y horarios.

As manifestacions se son producindo en tot lo territorio estando la más gran la que sale d’o Paraninfo de Zaragoza, y habendo-ie en muitos más lugars y ciudatz como Uesca, Teruel,  Andorra, Calatayú, Graus, Calamocha, Balbastro, Monzón, Cantaviella u Tarazona.

 

A policía espanyola adintro d'o Campus (Foto: El ventano)

A policía espanyola adintro d’o Campus (Foto: El ventano)

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.