Expertos declaran que l’Ebro tien una malotía

A FNCA denuncia o estau de l'Ebro.

O río Ebro a o suyo paso por Zaragoza

O río Ebro a o suyo paso por Zaragoza

L’estau de l’Ebro, en pasar por Zaragoza ye penible, seguntes profesors y expertos d’a Fundación Nueva Cultura de l’Augua.

L’apareixer de algas ye un sinyal de l’alta eutrofización d’o río. O taquín negro indica tamién una manca de oxicheno y a gran cantidat d’a planta azolla filiculoides sinyala que bi ha masiaus fosfatos.

Totz istos sinyals son provocaus por as pocas plevias que bi ha habiu en zagueras, a regulación d’o caudal que fa que no bi haiga creixidas d’hibierno y a gran cantidat de nutrients que vienen d’as depuraderas y de l’agricultura.

Ista situación se ye vivindo en muitas partis d’o río. En Zaragoza bi ha factors que fan mesmo pior a situación. L’azut ha feito aturar a rasmia d’as auguas y isto favoreix que no bi haiga oxichenación, fendo más grau o problema.

O dragau d’o río que s’ha feito istas zaguers anyadas ta fer posible que as barcas esnavesasen parti d’o río, ha feito que o poco caudal que leve se quede en a canal presta t’as barcas, quedando a resta quasi ixuta, ideyal t’as algas que surten por tot. Tamién o Soto de Cantalobos, una selva de ribera de gran intrés, ye en un estau critico.

Por tot isto, a Fundación Nueva Cultura de l’augua creye que cal un analís a fundo y ferán unas chornadas a on que diferents expertos opinarán sobre o problema, l’estau d’o río y as posibles solucions

6 Rispuestas a Expertos declaran que l’Ebro tien una malotía

  1. Y por totz os lugars, granchas, etc. que fican la mierda direutament, sin de depuradoras ta lo rio.

  2. Sobas y zurrapas siempre hay pero esta sobreproliferacion, es culpa del amigo de los barcos que como el habita en las Lomas del Gallego, no le llega el olor a Tarquin y agua empantanada. Y cuando esta en el despacho el olor a Crucifijo, incienso y santidad pues tambien le libran del molesto olor a agua atarquinada.

  3. Diciban que con l´entibo de Itoitz o caudal ecolochico de l´Ebro yera guaranciau. Ye una verguenya.

  4. O que manca ye que pleba coñe. Dixar politicos y entibos.

  5. A CHE diz que quan plebe almacenan augua ta quan no plebe. Asinas que isto no habría de veyer-se. O Xalon ye ixuto, a Huerba tamien. Ye mala chestion.

  6. E ixo d’os caudals ecolochicos, no ye obligatorio respetar-los por lei?

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.