Explosión d’un autobús en Tel Aviv

I hai decisiet ferius, seguntes a prensa israelí. A policia diz que puede estar un atentau suïcida. Continan os ataques ta Gaza a l'aspera d'un acuerdo entre Israel y Hamás

Hue de maitins i ha habiu una esclatada en un autobús d’a ciudat israelí de Tel Aviv, seguntes informa o diario israelí Ha-Àrets, que informa de decisiet ferius que han estau tresladaus ta l’hespital Ichilov. A policía sospeita que sía un atentau suicida. A esclatada ha ocurriu en tot caso mientres continan os ataques israelís en Gaza a l’aspera d’un alcuerdo entre Israel y Hamás. De feito, Hamás aludiba ahiere a una tregua imminent y s’asperaba que mientres o día de hue se podese plegar a un alcuerdo.

140 muertos en Gaza

Entremistanto, continan os ataques de l’exercito israelí en Gaza y o lanzamiento de cohetes ta Israel. Seguntes o mesmo diario israelí, i ha habiu en una semana de bombardeus en Gaza 140 muertos.

Os Estaus Unius bloquioron ahiere a declaración que quereba emitir o Consello de Seguridat d’a ONU condenando a escalada d’a violencia entre Israel y Palestina en a Francha de Gaza.

Os Estaus Unius s’oposoron en a declaración, que heba d’estar aprebada por consenso, porque, seguntes dició a portavoz d’os EE.UU. debant d’as Nacions Unidas ‘no aborda a radiz d’a causa’ d’a escalada de violencia entre Israel y os militants de Hamás en Gaza, que seguntes a portavoz son os ataques con misils por parte de Hamás.

Seis palestinos executaus por Hamás acusaus de colaborar con Israel

Ahiere de tardes, seis palestinos estioron executaus en un vico d’a ciudat de Gaza dimpués d’haber estau acusaus de colaborar con Israel, seguntes informa l’achencia AFP. Seguntes qualques testigos, a rama militar de Hamás reivindicó l’autoría d’as execucions.

A escalada de violencia en a Francha de Gaza ha deixau 110 victimas, tres d’as qualas son ciudadanos israelís. Mientres a nueit de luns a martes, Hamás disparó 60 misils, 25 d’os quals estioron interceptaus por o sistema d’esfensa antimisils israelí ‘Cupula d’Acero’. Un d’istos cohetes teneba Cherusalem por obchectivo pero no i plegó.

Fuent: http://www.vilaweb.cat/noticia/4057417/20121121/explosio-autobus-tel-aviv.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.