Exposición “Ecosistemas Cercanos” en Uesca

A exposición "Ecosistemas cercanos" fa a rematadera d'a commemoración d'o 30 cabo d'anyo d'Ecologistas en Acción Uesca

Foto: AraInfo

Como rematadera a la celebración d’o 30 cabo d’anyo d’Ecologistas en Acción Uesca que ha aconteciu mientres 2012, d’o 16 d’aviento a o 6 de chinero se puede visitar a exposición fotografica “Ecosistemas Cercanos”, que remanirá en a Sala d’exposicions d’o Centro Cultural d’o Matadero (Av. Martínez de Velasco, 6) de Uesca.

O lunes 17 a las 19:30 horas se desembolicará a presentación d’a exposición con un vin aragonés ecolochico y con a presencia de belún d’os tres autors que nos contarán historias sobre as fotografías y nos ficarán en as valors naturals de l’Altoaragón.

A exposición ye compuesta por unas 40 fotografías realizadas por Joaquín Barrabés, Jesús Lavedán y Alex Serrano, miembros d’Ecologistas en Acción, que retrata paisaches amanaus a totz os habitants d’a provincia. Espacios d’a ribera d’a Cinca, os semontanos, os sasos monegrinos u o paisache pirenenco s’ubren a la visión de totz os visitants d’ista muestra a traviés d’as fotografías d’istos especialistas en captar por meyo d’a camara l’espacio natural.

A exposición pretende de meter en valor ixos espacios que por amanaus y cutianos pasan inadvertius. A muestra descubre un patrimonio natural admirable, no nomás por a suya innegable estetica fotografica, soque por a valor que tien por o que fa a o territorio de rica biodiversidat, con un unico obchectivo: meter en valor totz ixos espacios que nos rodian.

Fuent: http://arainfo.org/2012/12/exposicion-ecosistemas-cercanos-en-uesca/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.