Exposición fotografica sobre collas aragonesas

Iste viernes s''enguera a exposición fotografica "Somnis entre boires" de Marc Martí. Bi habrá tamién un recital de poesía d'a man de Chorche Romance

Foto: Marc Martí Badia

Foto: Marc Martí Badia

Manyana, diya 6 de chinero, a las 20.30 horas a Tabierna A Flama acullirá l’enguero d’a exposición fotografica “Somnis entre boires” d’o fotografo Mac Martí Badía organizada por l’autor en colaboración con a Tabierna A Flama y Magofermin. Mientras l’acto bi habrá un recital de “Poesía Cruda” a cargo de Chorche Romance y más tardi bi habrá una audición de mosica aragonesa.

 

“Somnis entre boires” ye una exposición de 21 fotografías de diferents collas aragonesas en directo que suposa una chicota muestra d’a colección de l’autor. As imachens, todas presas en conciertos de collas como Mallacán, Gen, Prau, Visión Túnel, Sworrens u Temps al temps, d’entre atros, pretenden transmitir a ideya de que existe un movimiento mosical dillá d’os grands recintos y d’as grands ciudatz; y suposan un chicot resumen d’o treballo feito mientras bells anyos en diferents conciertos celebraus en toda la cheografía aragonesa.

 

Marc Martí Badia (Massalió/Mazalión, Matarranya, 1982) ye licenciau en Sciencias Politicas y de l’Administración por a Universidat Autonoma de Barcelona, y a diya de hue treballa como periodista y fotografo en Ràdio Matarranya y Notícies del Matarranya. Como fotografo ha publicau o suyo treballo en meyos Heraldo de Aragón, Periódico La Comarca, Diari de Tarragona, Temps de Franja u Notícies del Matarranya, d’entre atros; a más tamién gosa colaborar con diferents meyos dichitals.

Fuent: http://arainfo.org/2012/01/exposicion-fotografica-sobre-grupos-aragoneses/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.