Fablando d’os votos (1)

Marc Martí

Poco mas d’un mes, ixo ye o que falta t’a plegada d’unas nuevas eslecions espanyolas. Deixando de costau as encuestas sobre intención de voto, o mas que posible cambeo de tendencia electoral, y atros temas conchunturals vinclaus a istes comicios, en ista ocasión pareixe que o debat sobres qüestions estructurals d’o sistema ha dentrau con mayor fuerza en l’achenda politica.

O sistema electoral espanyol ha estau fuent de muitos debatz a lo largo d’as zagueras decadas. Si bien, talment en l’actualidat o denominau movimiento 15M haiga aconseguiu tornar a introducir ista tematica en l’achenda y desligar una nueva furnada d’opinions y posicionamients frent a o suyo funcionamiento y conseqüencias. cal sinyalar que en iste caso me refiero solament a o sistema electoral d’o Congreso meso que en o debat actual se deixa de costau o Senado sía por considerar una camera disfuncional u que no fa o papel t’o qual se creyó.

De traza muit simpla se puede definir o sistema vichent por tener unas circunscripcions plurinominals (provincias) de magnitut baixa (una meya de 6,7 cadieras), utilizar una formula (Lei d’Hont) d’a familia d’as distributivas (tamién clamadas proporcionals), un branquil electoral u clausura de exclusión d’o 3 por ciento d’os votos validos en una circunscripción y un prorrateo electoral (asignación de cadieras a cada circunscripción) que dota de dos cadieras a cada provincia y que reparte os atros 248 en función d’a población. Istas caracteristicas prencipals fan que no sía facil enmarcar o sistema espanyol dentro d’as grans tipolochías. Si bien, istas caracteristicas descartan a suya inclusión en a familia d’os sistemas mayoritarios, tamién fan que a suya proporcionalidat se veiga clarament achiquida.

Todas istas caracteristicas pueden variar, ye dicir, i hai multiples opcions ta canviar u reformar o sistema electoral vichent. Encara que existen decenas de combinacions diferents, solament fa falta comparar os diferents sistemas existents en a planeta. Pareixe que as propuestas procedents d’o sector critico con o sistema se pueden reducir en o deseyo d’establir un “sistema proporcional puro” en que o porcentache de cadieras no s’esvarre una mica, u lo minimo posible, d’o tanto por cient de votos obtenius. Ta ixo, a prencipal propuesta u a mas extendida ye l’aplicación d’una circunscripción estatal sola y a eliminación d’o branquil electoral.

O president espanyol ha convocau as eleccions

O president espanyol ha convocau as eleccions

Bien, ixublidemos atras variables, y pensemos que s’estableix ixe hipotetico sistema en que o numero de votos se transforma fidelment en numero de deputaus en una circunscripción estatal. O resultau podría estar similar a l’amostrau en a siguient tabla en que s’estableix una circunscripción sola sin branquil electoral y a formula proporcional d’o Coeficient Droop emplegada en países como Irlanda u Australia. (Resultau hipotetico en a columna Droop Estatal).

[table id=1 /]

Encara tomando en consideración que os resultaus amostraus no pueden entender-se como totalment validos porque o comportamiento electoral d’os votants ye enreligado con l’actual sistema, nos trobamos con un mapa politico muit diferent. Solament cal observar a presencia en o congreso de 20 fuerzas politicas diferents frent a las 10 actuals.

Ista hipotesi, esfendida, como he dito antes, por gran numero d’integrants u simpatizants d’o clamau movimient 15-M y mesmo por atros sectors d’a ciudadanía, ha dau ta muitas conversas con as suyas consiguients reflexions.

Ye de deseyar o cambeo? Qué conseqüencias tendría sobre o funcionamiento d’o sistema politico? No pasaríanos d’un sistema bipartidista a un sistema que premie a os territorios mas poblaus? Qué importancia tendrían as zonas mas espobladas?. (Continará)

Una rispuesta a Fablando d’os votos (1)

  1. Una ley electoral de una persona, un voto, puede ser a la postre un cambio de lo más antidemocrático que puede haber, me explico.

    Si Teruel o Huesca, son dos de las “provincias” más olvidadas en los temas de desarrollo de infraestructuras y de influencia en la política nacional, medios de comunicación, estructuras de partidos políticos… y eso que ahora mismo se les está sobredimensionando el voto. No me quiero imaginar que ocurriría si una ciudad como Valencia, ella solita tuviera más votos que las tres circunscripciones aragonesas. Existiría una soberanía del territorio, ya que la concentración poblacional en el Estado se reune en tres grandez zonas: el arco mediterraneo, el norte y la zona centro (Madrid y alrededores).
    Si con esta ley, tantas veces denominada injusta, Teruel fue el último territorio en gozar de autovía, la única capital que no está conectada con Madrid…que creeis que pasaría? que funcionaría el principio de solidaridad español?

    Yo no me lo creo, y prefiero una ley injusta que otra más injusta para encima castigar a los más débiles.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.