Fablans da voz a ex-ligallers en un ciclo de charradas

A primera d'istas charradas será con Roberto Serrano, d'a Orquestina del Fabirol

Roberto Serrano con la Orquestina (Foto: fabirol.com)

Roberto Serrano con la Orquestina (Foto: fabirol.com)

Ligallo de Fablans de Zaragoza contina celebrando os trenta anyos d’a suya creyazión, agora, a traviés d’un ciclo de charradas de miembros y antigos miembros de Fablans que esplanicarán qué fan por l’aragonés difuera de Fablans. Seguntes l’asociación, ye una traza de continar con o triballo que muitas presonas que n’han estau miembros han feito fuera de l’asociación, ya que “Fablans no aconsiguió arroclar tota la enerchía d’ista chent porque no bi heba espacio ta más actividatz u porque as suyas endreceras profesionals los han enfilau a continar con o que encetoron dentro de l’asociación”.

En iste ciclo de charradas, que continará dica chunio, se quiere “amostrar a la sociedat la valura presonal y profesional de buena cosa de socios que han estau capables de meter a Fablans en a vanguardia d’o popular”. En a primera d’istas charradas, o venient sabado 16 de marzo, será o mosico Roberto Serrano qui esplanicará a suya fayena por levar l’aragonés enta la sociedat a traviés d’a mosica popular. Roberto Serrano, chunto con Elena Requejo, son fundadors d’o Ligallo de Fablans de l’Aragonés en 1982, asinas como d’a Orquestina del Fabirol, colla con a que han espardiu l’emplego d’a luenga a traviés d’as mosicas y as letras populars. A charrada prencipiará a dos quartos ta las siet en o Centro Civico d’o Matadero en o vico d’as Fuents en Zaragoza.

L’acto tamién servirá ta fer memoria de Francho Tierra, que colaboró en o disco de La Orquestina “Me’n baixé ta tierra plana” en 1994.

Una rispuesta a Fablans da voz a ex-ligallers en un ciclo de charradas

  1. Roberto Serrano ye un dinosaurio de a cultura en aragonés. En o libro (con DP) De fabiroles y otras gaitas, nos enteremos de milenta de cosas que lis pasón. Ixas yeran as que se podeban escribir, pero as que no, de seguras que entendremos beluna.

    Iste sabado, á las 19:30, no me pierdo ista charrada en o matadero.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.