Fablans y O trango publicitan a suya ufierta de cursos d’aragonés

As dos asociacions continan una anyada más espardindo y fendo conoixer ista luenga

fablansCon a plegada de setiembre, as diferents asociacions en esfensa d’a luenga prencipian a fer publica a suya ufierta de cursos d’aragonés. En a zaguer semana, a Federazión de Fablans y l’A.C. O Trango han prencipiau a campanya ta que se i vaiga apuntando l’alumnalla que quiera aprender ista luenga.

En o caso de Fablans, asociación que ye fendo o suyo trenteno cabo d’anyo, ufren cursos de primer y segundo grau. En o pre d’o curso va incluyiu o material y, ta qui no pueda ir t’as clases presencials de Zaragoza, pueden fer o curso a distancia con l’aduya d’o programa Skype. Se fan dos horas semanals de clase y bi ha horarios d’entre semana y tamién os sabados de maitins.

O trango repite a suya ufierta ista anyuada en o Centro Civico Universidat de Zaragoza. O curso, que tien un pre de 15 euros, se fa os viernes de tardes, de 19:00 a 21:30, prencipiando o 18 d’octobre y rematando as clases en mayo. Tamién ye incluyiu en o pre, os materials que se fan servir en clase

Todas dos asociacions, antimás, ufren atras actividatz complementarias mientres lo curso endrezadas ta l’alumnalla ta poder socializar-se en aragonés entre ells y con atros aragonesofablants, tanto patrimonials como estudiants d’atros cursos.

Una rispuesta a Fablans y O trango publicitan a suya ufierta de cursos d’aragonés

  1. Pingback: Fablans y O trango publicitan a suya ufierta de cursos d’aragonés | AraInfo | Achencia de Noticias d'Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.