Fabrican una pistola con una impresora 3D

Polemica por a fabricación d'una pistola con una impresora 3D, feita por un grupo proarmas en os Estaus Unius

arma 3dA primer arma de fuego d’o mundo realizada con una impresora 3D ha estau fabricada en os Estaus Unius por un grupo d’activistas. O controvertiu grupo Defense Distributed, que ye a favor d’a posesión d’armas, tien previsto publicar en Internet, de forma gratuita, os planos disponibles.

L’arma estió prebada o sabado en un campo de tiro t’o sud d’Austin, en l’estau de Texas. A mida ha provocau a critica d’aquells que advogan por a restricción en l’emplego d’armas.

A zaguers d’abril pasau, manifestants norteamericanos se congregoron en ‘McPherson Square’, amán d’a Casa Blanca, en Washington DC, ta protestar contra os lobbies que empachan l’aprebación d’estrictas midas t’o control d’armas.

Dende a masacre de Newtown, escayeixida o 14 d’aviento de 2012 (en l’estau de Connecticut, en o ueste d’EE.UU.), en a quala 20 ninos y seis adultos perdioron a vida, a lo menos 3.835 personas han muerto en sucesos con armas en os Estaus Unius, seguntes contabiliza a revista d’actualidat y cultura norteamericana ‘Slate’.

Fuent: http://noticies.sirius.cat/2013/05/fabriquen-una-pistola-amb-limpressora-3d.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.