Facebook en aragonés, gracias a Indigenous Tweets y Softaragonés

Gracias a Softaragonés cada diya ye más amán l'inte d'emplegar un ordenador de raso en aragonés

A pachina d'Arredol en Facebook ya te puede fer goyo

A pachina d'Arredol en Facebook ya te puede fer goyo

Encara que no ye una d’as luengas que se pueden fer servir de traza oficial en Facebook, o triballo de Softaragonés y Indigenous Tweets, ha feito posible que ya se pueda emplegar o ret social Facebook en aragonés. Si emplegas Chrome o Firefox como navegador web nomás has d’adhibir un chicot script y ya podrás veyer o popular ret social en ista luenga.

As publicacions d’os tuyos amigos ya “te ferán goyo” y Facebook te preguntará “En qué yes pensando?” ta esviellar o tuyo estau y publicar cosas en o tuyo muro. Ta instalar ixe script lo millor ye siguir as instruccions que mos dan dende Softaragonés.

O Facebook ye un d’os retz socials mas conoixius. Creyau en 2004, y perteneixient a la companyía privada Facebook, Inc., permite d’adhibir a chent como amigos, ninviar mensaches, compartir vinclos, fotografía y videos, entre atras cosas. Tien hue mas de 400 millons d’usuarios por tot o mundo.

Softaragonés ye una organización sin animo de lucro que mira de fomentar l’emplego de l’aragonés en internet y as nuevas tecnolochías. A suya actividat mas important ye a localización de software, ye decir, a traducción y adaptación de programas informaticos ta que se puedan usar en aragonés, y se pueda emplegar en ellos a luenga aragonesa con total funcionalidat. Puetz seguir-los en a suya pachina web, en iste wiki, y a traviés d’os retz socials, seguindo-los en twitter u en Facebook.

 

Una rispuesta a Facebook en aragonés, gracias a Indigenous Tweets y Softaragonés

  1. Fendolo servir y bien pincho que en queda

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.