Faith Keepers y Pepper pots en o festival ‘estoesloquehay’ de Fonz

Decena edición d'o festival en a localidat d'a Cinca Meya

The Faith Keepers (Foto: Myspace d'a colla)

The Faith Keepers (Foto: Myspace d'a colla)

O festival ‘Estoesloquehay’ (isto ye lo que bi ha), contará con a presencia d’as colla Faith Keepers y Pepper Pots como platos fuertes. Ferán as suyas actuacions o 29 y o 30 de chunio en a localidat de Fonz, en a Cinca meya en iste evento adedicau a lo soul, lo blues u lo jazz.

O festival plega en a suya decena edición pleno de rasmia y d’actividatz. O viernes a las 20:30 en o concello d’o lugar se ferá a debantadera  d’a exposición colectiva con a tematica “Categoría”, esleixida como referencia a la riqueza monumental y la tradición nobiliaria de Fonz. A nueit d’o viernes Licor de Pajaro y The Faith Keepers, todas dos collas aragonesas serán os encargaus de fer a mosica. O sabado será o turno d’a colla zaragozana de blues Jamie Ricketts & The Blues Willies y os catalans The Pepper Pots. Dimpués d’as actuacions punchará Mr Pende-ho.

Antimás d’a mosica tamién se i ferán atras actividatz como a prochección d’una triga d’os curtos premiaus en o Festival de Cine de Uesca, un pasavillas d’a colla Pixie Dixie y l’actuación de l’acrobata Emmaluna.

Una rispuesta a Faith Keepers y Pepper pots en o festival ‘estoesloquehay’ de Fonz

  1. Pingback: Faith Keepers y Pepper pots en o festival ‘estoesloquehay’ de Fonz | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.