Fallece o exciclista profesional aragonés David Cañada

O suceso ha ocurriu mientres se disputaba a Cicloturista Puertos de Ribagorza

Foto: The Dublin Reeds (CC-BY 2.0)

Foto: The Dublin Reeds (CC-BY 2.0)

David Cañada, exciclista profesional zaragozano que se retiró d’o esporte profesional en 2010, ha muerto hue mientres participaba en a Cicloturista Puertos de Ribagorza. Seguntes as informacions, o corredor ha chocau con atro ciclista y s’ha trucau violentament a cabeza en cayer. Pese a os intentos de reanimación, finalment o ciclista ha muerto. O suceso ha ocurriu entre El Ru y Castilló de Sos, en a zona d’o congustro de Ventamillo.

David Cañada, de 41 anyos, debutó en o ciclismo profesional en 1996 con o equipo ONCE. Cañada, con un futuro prou prometedor en o pelotón internacional quedó en l’anyo 2000 en o puesto 33 d’o Tour de Francia do portó mientres prous chornadas o maillot blanco como millor corredor choven.

Manimenos, qualques lesions y problemas fisicos le apartoron d’a competición. En l’anyo 2006 aconsiguió ganar a Volta a Catalunya, o suyo mayor triunfo. Pero en 2007, un cancer de piel y en 2008 un linfoma d’os que se recuperó de tot, le apartoron unatra vez d’a competición. En 2010 anunció a suya retirada definitiva d’o ciclismo profesional.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.