Fambre De Vivienda continará en a plaza d’Aragón a lo menos dica o venient chueves

Os miembros de Stop Desafiuzamientos denuncian a falta de solucions por parte de Kutxabank y Bankia

2013-07-08_hambre-vivienda2

Foto: Stop Desafiuzamientos Zaragoza

Os miembros d’a plataforma Stop Desafiuzamientos que remaneixen en vaga de fambre dende o pasau 1 de chulio en a plaza d’Aragón d’a capital aragonesa (#HambreDeVivienda) han anunciau que remanirán allí, a lo menos, dica o venient chueves 11 de chulio, debant d’a falta de solucions a os suyos casos por parte de Kutxabank y Bankia.

Luis, Miguel, Rosa, Marta, Isabel, José y Juan Carlos aseguran que istas dos entidatz financieras “no han ufriu brenca concreto que a parola que se i buscarían solucions”. Tamién han asegurau que o chueves valurarán si continan con a suya vaga de fambre u deciden d’emprender atras accions.

“Si istas entidatz quieren deixar-los en a carrera chunto a las suyas familias, lo van a aconseguir. En a carrera nos estaremos. Pero pa reclamar a istas interpresas depredadoras de personas una solución chusta que resuelva os suyos aprecisaus problemas con a hipoteca”, afirma a plataforma Stop Desafiuzamientos Zaragoza a traviés d’un comunicau difundiu ahiere a os medios de comunicación.

Iste colectivo alvierte a las entidatz financieras embrecadas que “a unica vía ye una negociación a favor d’as personas”. Hue ye prevista una nueva concentración debant d’as oficinas de Kutxabank y Bankia en a plaza d’Aragón pa “reclamar un tracto de respecto” mientres asperan “a resolución favorable d’iste conflicto”.

Fuent: http://www.cronicadearagon.es/wordpress/?p=42530

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.