Familiars de victimas d’o franquismo denuncian a Espanya debant d’a CE

Denuncian que s'incumple a Carta d'os Dreitos Alazetals d'a Unión Europea

Visita t'Alcanyiz mientres o noviembre antifaixista (Foto: Arainfo)

Visita t’Alcanyiz mientres o noviembre antifaixista (Foto: Arainfo)

Iste lunes una colla de familiars de victimas d’o franquismo presentoron una denuncia debant d’a Comisión Europea en Madrit. O escrito ye endrezau t’o suyo president, José Manuel Durão Barroso, y se i demanda que se meta una pinyora a Espanya por no cumplir a “Carta d’0s Dreitos Alazetals d’a Unión Europea”, que con a dentrada en vigor d’o tractau de Lisbona o 1 d’aviento de 2009 prenió caracter vinclant ta totz os estaus d’a Unión.

A denuncia feita por as familias suposa tornar a trucar o ficacio debant d’o maltracto recibiu de man d’as autoridatz y chueces espanyols asinas como, tamién, por o Tribunal Europeu d’os Dreitos Humans d’Estrasburgo, que ha refusau las demandas presentadas por diversos familiars, acusando-les de no haber amostrau prou dilichencia en as suyas denuncias en Espanya ta estar atendidas as suyas demandas en iste tribunal.

“Ye significativo que en o Diya d’os Dreitos Humans y a on que se da o premio Nobel d’a Paz t’a Unión Europea, ciudadans d’a carrera hesen de reclamar a ista mesma UE que cumplise os alcuerdos de man d’os miembros suyos”, sinyalan dende l’achencia de noticias Sirius.

A Confederación Cheneral d’o Treballo refirma y esparde ista iniciativa d’os familiars d’as victimas y aspera que, a la fin, “se fiaga chusticia y sigan reparadas as familias d’os represaliaus d’o franquismo. Deseya, tamién, que “a querella, a on que ye personada, presentada en Archentina contra os crimens d’o franquismo, plegue a condenar en un tribunal a las interpresas que sacoron treslada d’o rechimen franquista y pose en a cadiera d’os acusau a los criminals encara vivos“.

Fuent: http://noticies.sirius.cat/2012/12/familiars-de-victimes-del-franquisme.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.