Fan un disco homenache a Chavela Vargas descargable de baldes

A cantadora mexicana morió o pasau 5 d'agosto con 93 anyadas

portaladaMás de quaranta mosicos han quiesto fer un homenache a Chavela Vargas, qui fa bellas pocas semanas deixaba a lo mundo d’a mosica sin un gran talento. O disco, titulau La Chamana. Un homenaje a Chavela Vargas se puet descargar de baldes en a web oficial d’a cantadora.

Dengún d’os mosicos que i colaboran han cobrau mica diners por o treballo feito en os 42 temas d’o disco. Antimás o productor d’o disco y amigo personal de Chavela, Guillermo Sánchez Guzmán, ha adhibiu a canta inedita “La Chamana”, que da nombre a o disco.

O venient 1 de setiembre ye previsto fer un homenache t’a cantadora en o lugar a on que pasó as suyas zagiers anyadas, Tepoztlán. L’homenache ya yera presto antis d’a muerte de Chavela por problemas en o pulmon.

Os mosicos que apareixen en o disco son Amaral, Andy Wesley, Ariane Libertad, Cañamo, Carla Morrison, Chavela Vargas, China Cruel, Cristina Crème, Datour, Diana Pereira, Elán, Gabriel Bojórquez, Horacio Palencia, Juanchez, La Revuelta, Las Acevedo, Leiden, Libertad Castrejón, Los Hollywood, Luna Mondragón, Madame ur y sus hombres, Malverdes Blues Experience, Maqueta, Mariel Mariel, Maura Rosa, Miguel Poveda, Monsieur Periné, Nidia Barajas, Niñovan, Orlando Infinito, Pambo, Roberto Salomón, Romina Valdés, Rosas, Samantha Rae, Santiago Cruz, Saoko, Sofi Mayen, Sonoclip, Sweet Menta, Tio Pedro, Tona Reyna y Trez.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.