Fan una campanya de sinyas t’a demandar a concesión de asilo politico a o periodista Hassanna Aalia

A o periodista, sentenciau a garchola pa cutio en Marruecos, l'han denegau l'asilo en l'estau espanyol

Hassana Aalia (foto: Arainfo)

Hassana Aalia (foto: Arainfo)

O periodista Hassanna Aalia naixe en El Aaiún, Sahara Occidental en 1988. En 2010 participa activament en o campamento de protesta pacifica de Gdeim Izik. Por iste feito ye chuzgau y sentenciau a quatre meses de garchola sin execución. En octubre de 2011 tien a oportunidat de viachar ta Euskal Herria con una beca de estudios t’aprender a luenga. Quan le faltaba dos meses ta tornar-se ta El Aaiún o suyo nombre apareixe en a lista de personas que será chuzgadas por os feitos de Gdeim Izik y ell decide d’aguardar ta tornar-se-ne t’o país suyo ya que as autoridatz ocupants marroquis l’engarcholarían y demandar asilo politico a lo gubierno espanyol.

O 17 de febrer de 2013 o tribunal de Rabat fa sentencia contra 25 civiles saharais, entre ells Hassanna Aalia que permaneixe en Euskal Herria y ye sentenciau a cadena pa cutio en rebeldía. Dende alavez recorre o territorio de l’Estau espanyol ta fer conoixer a situación de desamparo d’os suyos companyers engarcholaus y a sinchusticia a la que o rechimen marroquí somete totz os diyas a lo pueblo d’o Sahara. O diya 19 de chinero de 2015 a Hassanna le notifican que a suya demanda d’asilo queda refusada y o plazo de 15 diyas t’abandonar o territorio espanyol.

En una rueda de prensa, celebrada o chueves 22 en Bilbau, Hassana Aalia y o suyo advogau, Javier Canivell, anuncioron a suya intención de meter recurso contencioso-administrativo en l’Audiencia Nacional espanyola y “totz os recusos que calga”.

“Exicho a l’autoridat competent y a lo Ministro d’Interior que intervenga en l’asunto y se reconsidere a demanda d’asilo politico de  Hassanna Aalia, ya que si torna t’o suyo país será castigau durament por as autoridatz ocupants marroquis y no tornará a salir de garchola en lo que le queda de vida, porque ye una persona activa politicament y nunca no ha deixau de luitar pacificament por o dreito d’autodeterminación d’o suyo pueblo, luita que ya l’ha costau detencions y torturas en arrienda ocasions”, afirma la petición que se puet sinyar en iste vinclo. O meyodiya d’iste lunes ya s’heban replegau más de 8.000 d’as 10.000 que cal.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.