FAPAR y os sendicatos fan un clamamiento ta esfender l’amostranza publica

Organizacions d'Aragón se unen a la manifestación d'o sabado en Madrid contra as retalladas en Educación.

Carel de la manifestaciónFAPAR (Federación d’asociacions de pais d’alumnos) y os sendicatos d’amostranza han feito hue un clamamiento publico ta que a sociedat aragonesa se movilice contra as retalladas en educación. Istas organizacions se sumarán a la manifestación convocada en Madrid en esfensa d’a escuela publica.

Se i protestará contra as retalladas que bi ha habiu en bellas comunidatz autonomas. En Aragón, seguntes ha explicau un d’os portavoces, a retallada ye amagada, pues encara que no ha baixau lo presupuesto, sí que ha puyau o numer d’alumnos, habendo-ie os mesmos diners t’atender a mas alumnalla. Tamién han dito estar preocupaus por as declaracions de Dolores Serrat, Consellera d’Educación, que dició que, en caso de continar a crisi, bi habría retalladas.

Antis d’a manifestación, que se ferá en Madrid o venient sabado, os sendicatos han convocau ta maitin una asambleya informativa ta totz os profesors en o Colechio Joaquín Costa. Tamién son organizando-se autobuses ta facilitar que toda a comunidat educativa pueda ir t’a manifestación.

En o manifiesto, os firmants, desichen “a los gubiernos autonomicos y estatal a fin d’as retalladas que se son fendo, a inversión que cal ta plegar en o 7 % d’o PIB en educación como requisito necesario ta salir d’a crisi economica.” Tamién creyen que “sin inversión no se puet enantar en educación” y que o futuro d’a nuestra sociedat ye en chuego.

Os sendicatos que han decidiu de refirmar iste manifiesto y a convocatoria de manifestación son ANPE, CGT, STEA, FETE-UGT, HUSTE, CSIF y CC.OO.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.