Farenheit 451 contra l’espionache americano en o vuestro correu

Un artista creya Scare Mail, con a voluntat de fer trafucar-se a la NSA

thumb_474__4Dende que Edward Snowden fació viyer a graniza trama d’espionache mundial d’a NSA norte americana surten por tot iniciativas ta fer más dificil a vida de PRISM, o sistema que espia os nuestros correus, clamadas de telefono, adrezas que visitamos en o rete, cuentas bancaias, etc. Una d’as iniciativas más intresants combina l’activismo con l’arte y responde a lo nombre de Scare Mail.

O programa ye estau creyau por l’artista Benjamin Grosser y funciona a traviés d’una extensión que se puet fer servir con Chrome, Firefox y Safari.

Quam s’escribe en un correu como lo de Google, ista extensión fica en o texto frases provenients d’a novela visionaria Farenheit 451, de Ray Bradbury. Un procesador de luengache natural incorporau en o programa fa que si o texto ye en anglés as frases remanen de tot integradas en l’orichinal combinando os tiempos verbals adeqüaus ta trucar o ficacio d’o PRISM, o sistema d’espionache americano que se base en mirar parolas que considera periglosas y de frases que trucan o ficacio.

En atras luengas, os textos de Bradbury nomás quedan ficaus en o meyo d’o texto adhibindo-ie parolas d’as que a NSA considera periglosas, como “al-Qaida”, “nucleyar” u “Obama”. L’emplego d’o programa ye acreditau ta liberar a los usuarios de responsabilidatz enta l’achencia. Grosser aspera poder esfender o suyo emplego si nunca ye enrestiu por o gubierno americano, afirmando que ye una traza d’arte colectivo y compartiu.

 

Fuent: http://www.vilaweb.cat/noticia/4153710/20131104/farenheit-451-lespionatge-america-vostre-correu.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.