FCC tendrá una atra retallada de 6 millons d’euros en Zaragoza

O Gubierno municipal anuncia fundas reestructuracions d'os servicios que afectarán a las contratas de bus y limpieza.

Concentración de treballadors de FCC debant d'o concello (Foto: Primo)

Concentración de treballadors de FCC debant d'o concello (Foto: Primo)

Cumplir con l’obchetivo d’estabilidat presupuestaria s’ha convertiu en qualcosa imperativa t’o Concello de Zaragoza. O gubierno municipal leva meses treballando ta que as cuentas cuadren y o deficit siga zero en rematar o exercicio. Ta cumplir con ixa misión ya han decidiu lo que cal tocar: a los cinco millons que se cabidarán con os achustes d’o bus urbano, se suman atros seis que sufrirá a contrata de limpieza publica que chestiona FCC.

A tamás de que, en parolas de Fernando Gimeno, conseller de Economía y Ficienda, os achustes no habrían d’estar sinonimo de destruyir treballos, os treballadors municipals fa muitos meses que prencipioron a tremolar. Por l’inte, aguardando a viyer como afecta as modificacions anunciadas, GImeno ha solicitau de fer ‘un poder’ a todas as contratas y treballadors.
Con FCC, los seis millons que agora se anuncian se suman a los que ya tenioron l’anyada pasada por a mesma cifra. A traviés d’as negociacions establidas con a interpresa, s’ha plegau en un alcuerdo que afectará, más que más, a los servicios que bi ha agora mesmo. Por eixemplo, gracias a achiquir-los de verano y en festivos se prebará de cabidar 1,5 millons.
As estixeras enantarán dica retallar bellas inversions que a interpresa teneba pendients. Por l’inte, caldrá ixublidar as chicotas obras en o parque central de FCC y se aturará a instalación de contenedors baixo tierra y elementos ornamentals que se consideran prescindibles. Ta ista segunda mica, se calcula que se cabidarán dos millons.
En o paquet de midas bi ye tamién un cambio en o modelo d’amortización d’a inversión. Seguntes han dito dende o Concello, dica agora se feba una amortización perén que pasará a denominar-se ‘por dichitos’, lo que permitirá cabidar entre 3 y 4 millons d’euros.
Antimás, dada la situación actual y as urchencias financieras, o Concello ha pactau con a interpresa que qualsiquier gasto que se considere prescindible, y haiga de salir d’as arcas municipals, se saque dreitament.

 

Fuent: http://www.aragon2.com/n-19597-3-FCC_sufrira_otro_recorte_de_6_millones_de_euros_en_Zaragoza

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.