Febrero Feminista organiza una trobada sobre dreitos sexuals y reproductivos

En a trobada se charrará sobre os posibles cambios en as leis de dreitos sexuals y reproductivos y d'interrupción d'o embarazo.

cartel“Debant d’a enrestida contra l’aborto adintro d’a politica de retalladas socials, politicas y economicas que somos sufrindo creyemos que cal creyar uns argumentos solidos que nos permitan, con un discurso coderent, creyau dende o feminismo, esfender-nos y movilizar-nos debant d’o prochecto de vida que se nos ufre a las mullers de refamiliarización, o control d’o cuerpo nuestro y a sexualidat y o nuestro dreito a decidir”. Asinas prencipia a declaración con a que Febrero Feminista convoca o sabado 13 una trobada sobre dreitos socials y reproductivos.

A organización d’a trobada remera as intencions que fació publicas o gubierno espanyol de reformar l’actual Lei de Dreito Sexuals y Reproductivos y d’Interrupción d’o Embarazo. Debant d’isto, tanto Febrero Feminista como muitas atras organizacions parellanas se movilizoron demandando “que se guarancie de traza universal o dreito a decidir, a demandar un millor acceso t’a interrupción voluntaria d’o embarazo, una educación sexual real y integral y l’empente de politicas publicas t’amillorar a corresponsabilidat d’os hombres en o cudiau d’as fillas y fillos”.

A trobada se ferá o sabado dende as 17:00 dica las 20:00 en Treziclo (C / Liñán 8, Zaragoza) y a organización ha penchau bells textos en a suya pachina web ta qui bi siga intresau.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.