“Fendo Orella” torna a emitir en nuevo horario

O programa de radio de raso en aragonés prencipia iste lunes nueva temporada con sorpresas

O programa de radio de raso en aragonés, “Fendo Orella” torna iste lunes t’as ondas hertzianas, concretament as d’o 101.8 d’a FM zaragozana, Radio Topo.

O programa cambea d’horario y diya en ista nueva temporada, pues agora s’emitirá os lunes de 22 a 23 horas. Tamién i habrá nuevas voces y mas sorpresas.

“A boira no deixa viyer as estrelas. Uellos. Neons. Cacegaus en o bell meyo d’a ciudat infierno. Acubillaus baixo tierra en o nuestro cado, a resguardo d’a fredor d’o cierzo. Orellas. Sirenas. Troba l’esconderite nuestro. Truca con os tuyos artiellos, a puerta ye ubierta. Parolas. Mosicas. Una horeta semanal d’actualidat y barucas de raso en aragones. Ubre os oius. Fe orella.

Una anyada mas nos esviellamos y tornamos t’as emisions con nuevas voces, nuevas seccions, nuevos colaboradors, nueva sintonia y nuevo horario. Ascuita-nos os lunes de 22.00 a 23.00 horas en Radio Topo 101.8 FM.”

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.