Feria d’o libro pirinenco en Sent Lari y Sola

A feria se fa una anyada en Sent Lary y Sola y atra en Boltanya

cartelO cabo de semana d’o 25 t’o 27 de mayo, a localidat occitana d’a Val d’Aure Sent Lari y Sola, acullirá a tercer edición d’o libro pirinenco. L’afer central d’a feria ista anyada será ‘a muller d’o Pirineu’.

A feria ye organizada por os concellos de Sent Lari y Sola y de Boltanya y cada anyada se fa en un d’os dos lugars. Cada anyada ha iu puyando o numer de visitants y a suya repercurión tot y estando una feria choveneta.

Mientres os tres diyas de feria se i ferán quantas actividatz. Presentacions de libros, charradas, actuacions mosicals, actividatz t’a catrinalla y asinas asinas. Bi participarán librerías, editorials, clubs de montanya u institucions culturals y ambientals.

A participación aragonesa ye prou ampla. Dende as institucions ya han confirmau a suya asistencia la Diputación Provincial de Huesca, o Centro de Estudios de Sobrarbe y o Museo de Bielsa. Antimás i serán presents autors como Anchel Conte, Lorenzo Mediano, Juanfer Briones, Jose Antonio Adell u Eugenio Monesma.

A programa se puet consultar aqui.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.