Fianza de quasi 19 millons d’euros ta Agapito Iglesias, Escó y Becerril por o “caso Plaza”

Os tres imputaus tienen 24 horas ta fer efectiva a fianza u s'embargarán os suyos biens

PLAZA-cartel--e1352811247745O chuez d’o chudgau d’instrucción nº 5 de Zaragoza, Francisco Picazo, demanda 18,850.000 d’euros de fianza de conchunta a Agapito Iglesias, propietario de Codesport y accionista mayoritario d’o Reyal Zaragoza; Ricardo García Becerril, excherent de Plaza; y Carlos Escó, exconsellero delegau d’o poligono zaragozano de Plaza y exviceconsellero d’Obras Publicas d’o gubierno aragonés por o “caso Plaza“.

O chuez considera que existe prous indicios de conducta criminal respective a istas tres personas por o sobrecoste d’a construcción de 128 naus en o citau poligono, construidas por Codesport, a interpresa d’Agapito Iglesias. O presupuesto d’a construcción se disparó de 14 millons d’euros a 32 millons.

A fianza habrá de pagar-se a las 24 horas dimpués d’a notificación realizada hue u o chuez ordinará o embargo d’os biens d’os tres imputaus, que pueden recurrir dito auto.

Una rispuesta a Fianza de quasi 19 millons d’euros ta Agapito Iglesias, Escó y Becerril por o “caso Plaza”

  1. Pingback: Fianza de quasi 19 millons d’euros ta Agapito Iglesias, Escó y Becerril por o “caso Plaza” » AraInfo

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.