Ficienda autoriza o plan d’achuste de 257 millons en Aragón

José Luis Saz, conseller de Ficienda d'o Gubierno d'Aragón, alabó o treballo de todas as comunidatz autonomas.

Consello de politica fiscal y financiera (Foto: D.Ch.A)
Consello de politica fiscal y financiera (Foto: D.Ch.A)

Aragón ha recibiu en Madrid o refirme que le caleba ta fer entaban un nuevo plan d’achuste que suposará un cabidar en o país de bell poco más de 257 millons d’euros. Dimpués d’o zaguer Conselllo de Politica Fiscal celebrau en Madrid, todas as comunidatz, fueras d’Asturias, han recibiu l’aprebación d’o Ministerio de Ficienda ta enantar con os achustes. En o caso d’Aragón tien bella cosa más de merito porque ye a unica autonomía que ha refusau recurrir a la vía d’os ingresos y no contempla, por eixemplo, incluyir o clamau ‘centimo sanitario’.

No puyará o trampo autonomico d’o IRPF ni tampoco no se recurrirá a aplicar impuestos ambientals. D’os 13.071 millons que se cabidarán en tot l’estau, Aragón tasament i alportará un 2%. Agora, le pertoca a cada conseller decidir que partida u partidas sufrirán l’achique d’o 5% que se desiche a cada departamento dimpués de aprebar iste plan. Antimás, ya se conoix tamién que a D.Ch.A. retallará un 15% d’as subvencions. D’ista traza, cada consellería tien guaranciau a execución d’o 95% presupuestau renunicando a midas más dolentas como una nueva retallada en o chornal d’o funcionariau, que sí que habrá de treballar seis minutos más a lo diya.

Jose Luis Saz, conseller de Ficienda d’o Gubierno d’Aragón, yera conscient de que viachaba ta Madrid con un plan diferent debaixo d’o brazo, “una solución diferent a atras CCAA”, como ell mesmo declaraba. Por ixo, bi heba bella gana de conoixer a postura d’o Ministerio de Ficienda. Y ye que, por eixemplo, nomás Aragón, en chunto con A Riocha, han refusau implementar o centimo sanitario en as bencineras – un gravamen d’o pre d’o carburant destinau a financiar a sanidat-.

En rematar a reunión, Saz s’amostraba argüelloso d’a postura común que se i heba plegau. “Quan s’estudie iste Consello de Politica Fiscal quedará como un cambeo en as trazas d’entender o gasto publico”, aseguraba. O conseller, un hombre fidel a la politica de cumplir o deficit, felicitaba a todas as autonomías por o resultau conseguiu en entender que se heba chenerau ‘unas nuevas trazas d’entender o gasto publico: a gubernanza’.
Fuent: http://www.aragon2.com/n-19196-503-Hacienda_autoriza_plan_ajuste_257_millones_Aragon

Una rispuesta a Ficienda autoriza o plan d’achuste de 257 millons en Aragón

  1. aragonés fiero

    Talment agora l’eterno problema de a despoblación d’Aragón seiga una aventalla contimparativa respecto a altros territorios. Más que más porque cada begada se va a amenistar menos chen, ya que nomás va a valer a chen altament productiva y que chenere producto de alto valor adiviu. Asinas que como somos pocos, malfurriamos menos que altras CC.AA más pobladas.

Responder a aragonés fiero Cancelar respuesta

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.