Finalizó 48 diyas dimpués a vaga d’o colectivo de limpieza d’o Salud

48 diyas dimpués, a vaga d'o sector d'a limpieza d'o Salud se desconvocaba o sabado tot acceptando a proposa final d'as interpresas

limpiezaSalud1-300x199

Foto: AraInfo

O pasau sabado se votó a que se consideró por parte d’as interpresas d’o sector como a proposa “definitiva”, que estió presentada o chueves en o SAMA. A votación d’o conchunto de treballadors y treballadoras se saldó con 328 votos a favor d’a proposa y 185 en contra d’ella.

Os cinco sindicatos (CCOO, CGT, CSI-F, UGT y OSTA) consideran que “no han alcanzau os obchectivos” d’a vaga con a proposa votada iste sabado por a plantilla y que “s’ha imposau o miedo“. S’ha sinyau pues un convenio colectivo que no fa goyo en a plantilla, sin consiguir a equiparación con o personal estatutario d’o grupo E y o mantenimiento d’as condicions laborals actuals, y s’ha decidiu de desconvocar a vaga dimpués de 48 diyas. Manimenos, os sindicatos se queixan de que as interpresas “han dau facilidatz a las esquirolas pa que venisen a votar y han empachau que venisen atras treballadoras“, denunciando tamién que “i ha habiu muitas presions“.

Hue lunes amás, con a nueva reforma laboral, o convenio colectivo d’o sector deixaría d’estar en vigor, o que provocaría l’aplicación d’as condicions laborals fixadas en l’Estatuto d’os Treballadors, que incluye as guarancias minimas que han de tener os treballadors y treballadoras, con o que istas condicions empiorarían mas encara.

Agora que, iste colectivo ha contrimostrau una gran capacidat de luita y dignidat por unas millors condicions laborals en un contexto marcau por a degradación d’as mesmas y as terribles cifras d’ature.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.