Fomento asegura que empenta a N-260

O secretario d’Estau espanyol d’Infrastructuras en funcions, Víctor Morlán, ha confirmau en a Comisión de Seguimiento d’a N-260 que o Ministerio espanyol de Fomento ye empentando decididament as obras d’a N-260.

En a trobada, Morlán trucó o ficacio sobre o compromiso d’o Ministerio espanyol con ista infrastructura, sinyalando que Fomento ha reforzau a inversión destinada a o desembolique d’os treballos ta que a vía sía en servicio en os plazos previstos.

Asinasmesmo, o secretario d’Estau ha informau que o Ministerio espanyol de Meyo ambient ya estudea o expedient d’información publica d’o prochecto d’o tramo Congosto de Ventamillo-Campo, ta aprebar a Declaración d’impacto ambiental y poder prencipiar-ne asinas a construcción.

A solución que planteya Fomento ta iste tramo achique l’impacto en as zonas mas conflictivas chunto a o río por meyo de voladizos u ancladas a la penya an sía posible y enamplará a plataforma de 6 a 9 metros.

Amás, dota d’un sobreamplo todas as curvas ta que puedan fer os chiros os vehíclos pesaus, s’aumentaría a velocidat minima a 60 km/h, creya tunels an s’ameniste y minimiza os pasos sobre o río Esera.

Tamién s’ha feito plegar a Meyo ambient l’expedient d’a puesta en condición entre Balupor y Fiscal. Morlán tamién anunció que os triballos entre Fiscal y Samianigo dentran en a suya recta final, y que a obra se rematará en primavera de l’anyo venient.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.