Fomento podría fer desapareixer once linias de tren por Aragón

Zaragoza ye a ciudat más afectada de l'estau. Uesca, Chaca, Teruel, Monzón, Ariza y Calatayú tamién pierden linias

Gara de Delicias (Foto: Wikipedia)

Gara de Delicias (Foto: Wikipedia)

O ministerio espanyol de Fomento podría fer desapareixer mesmo once d’as linias de tren que comunican Aragón. Asinas informaba hue El País con un documento de INECO, consultora d’o ministerio espanyol de Fomento, encargada de fer un estudio d’a rentabilidat economica d’as linias de tren de RENFE en tot l’estau.

O documento fa un analís d’os rans d’ocupación y rentabilidat d’as diferents linias y proposa, seguntes ixos datos, sacar-las u retallar a suya ufierta. O documento trestalla as linias en quatre collas, seguntes a suya “eficiencia”: ineficients, de muito baixa eficiencia, de baixa eficiencia y eficients. Fa una categoría aparti t’AVANT. D’as 49 linias “ineficients” que s’ha feito l’analís, 11 d’ellas pasan por Aragón u mesmo tienen tot lo suyo recorriu en o país, y se sacaría de tot o suyo servicio. Istos recorrius son: Zaragoza – Arcos de Xalón, Zaragoza – Leida, Zaragoza – Castellón d’Ebro, Zaragoza – Mora la Nova, Zaragoza – Ariza, Zaragoza – Uesca, Teruel – Valencia, Zaragoza – Chaca, Monzón – Leida y Zaragoza – Calatayú.

En o caso d’as linias de Zaragoza ta Leida y t’Arcos de Xalón, as dos linias contan con más de 70.000 viachers cada anyada. A más deficitaria, seguntes l’informe sería la Zaragoza – Teruel, con más de dos millons d’euros de perdas anyals.  A linia Zaragoza – Valencia continaría, en primeras existindo y aturando en Teruel, encara que sufriría retalladas en o numer de viaches y aturadas en localidatz por o camín. Zaragoza ye a ciudat más afectada de l’estau en perder dica nueu linias, por dencima de Madri y Valladolit que’n perderían seis.

Sobre toda la resta de linias se planteyan tamién retalladas en o servicio. Tot, seguntes lo mesmo informe, cabidaría diners, encara que no empacharía que o conchunto d’as linias de meya distancia continase estando deficitario. Cuanto a las retalladas de personal y a la futura chestión de garas albandonadas, o documento no diz cosa.

 

2 Rispuestas a Fomento podría fer desapareixer once linias de tren por Aragón

  1. Pingback: Fomento podría fer desapareixer once linias de tren por Aragón | AraInfo | Achencia de Noticias d´Aragón

  2. Pingback: Fomento podría fer desapareixer once linias de tren por Aragón | Arredol - La Franja

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.