Fortanet organiza una “caravana de mullers”

En o lugar no bi ha que tres mullers solteras

Vista de Fortanet (Foto: Manel Zaera)Una colla de solteros de Fortanet (Mayestrato) ya ye farta d’estar-ne. Por ixo, han decidiu de fer una mena de “caravana de mullers” En iste lugar, de bells 150 habitadors, no bi ha que tres mullers solteras. Manimenos son 30 os hombres que no son casaus.

En opinión d’istos solteros, a situación de crisi puet fer que muitas mesachas se piensen d’ir a vivir en un lugaret, a on a vida ye muito más barata, y ye mas facil de trobar un treballo.

A fiesta prencipiará o diya 15 d’octobre con una visita guidada por Fortanet viyendo os puestos más polius d’o lugar. De nueitz bi habrá cena y baile en o pabellón. Os maciellos serán qui bosen totz os gastos que bi haiga. As mesachas podrán dormir en un hotel d’o lugar que ye colaborando con a iniciativa. O domingo tamién vagará ta fer una gambadeta por o lugar y fer-se un buen almuerzo antis de tornar-se-ne enta casa.

Iste problema ye cutiano en muitos lugars d’a redolada, a on bi ha muitos más hombres que no mullers y, antimás, o numer de naiximientos ye bien baixo.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.