Fosca Delera torna t’os scenarios con Tierra Negra

A obra se podrá viyer iste sabado en Zaragoza por primer vez

Tierra Negra cartelAintro d’o Ciclo “Teatro en as luengas minoritarias d’Aragón”, organizau por Rolde d’Estudios Aragoneses, y basau en o cómic de Daniel Viñuales, Fosca Delera torna t’os scenarios con nueva obra: Tierra Negra.

Fosca Delera naix con l’obchectivo d’espadir a cultura fendo teatro, que ya de por sí a día de hue ye difícil, y amás en aragonés. Chusto tres anyos han pasau dende que se representó a primer obra ¿Y agora qué?, que racontaba o zaguer día d’a vida de Chuan de Lanuza V, o mozo, Chusticia d’Aragón, en 1591, quan estió asesinau por defender os Fueros.

Tierra Negra se desarrolla en 1920 en a mina Severa d’Escuita (Teruel). Ye un homenache a os miners aragoneses y a la chent d’ixas Cuencas Meneras que se ganan a vida deixando-se-la per o camín.

A representación será iste sabado 19 d’aviento a las 19h en o Centro Civico Río Ebro (María Zambrano 56, Zaragoza).

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.